كشفت الفنانة فردوس عبد الحميد عن رأيها في العمل مع زوجها المخرج محمد فاضل خلال كواليس مسلسل "الضاحك الباكى" قائلة خلال تصريحات لبرنامج الراديو بيضحك مع الإعلامية فاطمة مصطفى: "المخرج محمد فاضل بيحترم الممثل ومش بقول كده علشان هو قريبي، ولما بشتغل معاه ببقى ضامنة إن العمل هيطلع كويس".
وأضافت عبر إذاعة 9090: "رأيي فيه من زمان أنه بيحب الممثلين اللى معاه وبيحاول يخليهم دايمًا في أحسن شكل وصورة، بالإضافة لاهتمامه بكل النواحى".
وتابعت: "افتقدنا ده كتير في الفترة الأخيرة، وده حفزني أكتر إني أشتغل في العمل ده، لأني في النهاية هضمن إنه هيطلع عمل كويس وإنه وبيعتبر الممثل هو اللي هيطلع كل الحاجة اللي هو عايزها، فببقى بشتغل معاه وأنا مطمنة إن كل حاجة هتطلع كويسة، ومش بقول ده عشان هو جوزي".
مسلسل "الضاحك الباكي" سيناريو وحوار محمد الغيطى وإخراج محمد فاضل، ويعرض على قناة cbc من السبت إلى الأربعاء فى تمام الساعة 8 مساء من بطولة عمروعبد الجليل في دور نجيب الريحاني، مصطفى شوقي دور سيد درويش، فردوس عبدالحميد والدة نجيب الريحاني، رزان مغربى، هاجر الشرنوبى وعدد آخر من الفنانين.
"الضاحك الباكى" يرصد توثيق لفترة زمنية من خلال شكل الحياة السياسية والاجتماعية والاقتصادية لمصر في نهاية القرن 19 وبداية الـ20، ويتناول حياة نجيب الريحاني بداية من ميلاده نهاية القرن 19 منذ عام 1892 وحتى خمسين عاماً في عام 1949 وعن قصص الفن والمسرح وحكايات عن الراحل في تلك الحقبة الزمنية المهمة.
تم أضافة تعليقك سوف يظهر بعد المراجعة