** الرئيس السيسي: حجم المبانى على الدائرى أكبر من الطلب الموجود فى السوق
** الرئيس السيسى: هذه المشروعات ليست زيادة فلوس معانا ولكنها أمور حتمية
** الرئيس السيسي للمصريين: "محدش هيقدر يعمل أكتر من اللى احنا بنعمله"
قال الرئيس عبدالفتاح السيسي: "كان حد كلمني نخف الأعمال بتاعتنا شوية، قلتلهم حجم الشركات العاملة فى الدولة المصرية فى مشروعات محددة، ومش بتكلم على القطاع الخاص، هنلاقى هناك مش أقل من 5 آلاف شركة شغالين يا جماعة، يعنى متوسط مش هقول 5 آلاف لا قول ألف عامل بس فى كل شركة، يعني 5 ملايين إنسان يعنى 5 ملايين أسرة، لو قفلت قولولى الملايين دى كلها تعيش ؟ طيب أديهم تكافل وكرامة ولا أخليهم يشتغلوا ويبنوا البلد؟".
أضاف الرئيس السيسي خلال افتتاح مدينة المنصورة الجديدة: "قوتنا في فهمنا ولما بخلي زمايلي يشرحوا ويتكلموا في أمور قد تكون مش محل اهتمام المواطن، في النهاية هو عاوز فلوس في جيبه والحاجات موجودة في السوق بسعر كويس".
وقال الرئيس عبدالفتاح السيسي، إن الشواطئ المصرية وخاصة الدلتا معرضة لارتفاع منسوب المياه بمعدل متر أو مترين، وذلك خلال الخمسين عاما المقبلة، مضيفا: "نقدر نعمل حواجز لـ 300 كيلومتر ستكلفنا مليارات الجنيهات لحماية الشواطئ والناس".
أضاف الرئيس السيسي خلال افتتاح مدينة المنصورة الجديدة: "ما لدينا من مياه أقل من 500 متر مكعب للفرد فى السنة.. أنا محتاج أقابل النمو المحتمل فى الطلب على المياه بالنمو اللى هيحصل على السكان فنجيب مياه للنمو السكاني منين؟".
وقال الرئيس عبدالفتاح السيسي، إنه في عهد محمد علي كان نصيب الفرد من الأراضى الزراعية يصل إلى فدان، معلقا: "محتاجين نعرف كويس قوي ليه احنا بقينا كده ؟، علشان متتهمش الدولة وتقول هي فين؟، لا كلنا مع بعض دي بلدنا ونخلي بالنا منها.. حالة الغنى اتحولت لحالة عوز".. وتقول البلد سايبانا ليه؟ النهاردة يوم جميل بس عيب واحنا بنتكلم علي إيماننا الجميلة نذكر بعضنا وبقول الكلام ده لكل مؤسسات الدولة ومنظمات المجتمع المدني والمؤسسات الدينية يا جماعة بصوا كده ده!!.. يرضي ربنا؟ فيه حد ورا مني متدين يقول هي دى الأمة اللى كـ"الشامة"؟.
أضاف الرئيس السيسي خلال افتتاح مدينة المنصورة الجديدة: "عاوز أقول إذا ماكانتش مؤسسات الدولة بالكامل معانا، احنا مش في جنب لوحدنا، احنا واحد ومع بعض كلنا ولينا فيها زي بعض".
وقال الرئيس عبد الفتاح السيسى، إن هناك خطة للدولة وهناك خبراء وعلماء، متابعا" أنا لا أضع رجل على رجل وأقول كلمتين في موضوع، بل هذه دولة من خيرة العلماء سواء في الجامعة والوزارات وضعت هذا التصور".
وأضاف الرئيس السيسى خلال افتتاح المرحلة الأولى من مدينة المنصورة الجديدة، أن هذا التصور ليس وليد اليوم، بل كان موجود فى السابق ولكن الظروف لم تنجح في تنفيذه.
وتابع الرئيس السيسى: "خطة المياه قلنا نحتاج لتحلية مياه فى المدن الساحلية.. ففى شرق بورسعيد هناك 150 ألف متر مكعب مياه في اليوم، والجلالة 150 ألف متر مكعب في اليوم، والمدن الجديدة بها محطات تحلية كلفتنا كتير".
تابع الرئيس: "امشوا كده على الدائرى وشوفوا العمارات وحجم المباني أكبر من حجم الطلب الموجود في السوق، وإلا كانت الناس سكنت فيها.. القيمة الزائفة تعبير حقيقى وإحساس بالغنى الزائف.. لو كنت باني على قيراطين لو كنت شغلتهم وحافظت عليهم كان هيجيلك عوائد حقيقية أفضل من إنك تعيش على وهم.. فيه ناس بتبنى علشان خاطر أبناءها.. واللى بنعمله فى المدن مش شكل بس.. لا.. دى مجموعة أهداف بتتحقق".
وقال الرئيس عبد الفتاح السيسى: "اللقاءات فرصة حتى نتكلم مع نفسنا وأهلنا، فنحن لسنا موجودين لنتحدث فى الدقهلية أو المنصورة فقط بل فى كل الدولة ليعلموا لماذا نفعل ذلك".
وأضاف الرئيس السيسى خلال افتتاح المرحلة الأولى من مدينة المنصورة الجديدة: "هذه المشروعات ليس زيادة فلوس معانا ولكنها أمور حتمية لازم نعمل كدة ولو معملناش كدة يبقى قصرنا في الحاضر والمستقبل".
وتابع الرئيس السيسى: "أنتم في مجلس الوزراء عندما تجتمعون ففي كل اجتماع عليكم أن تتحدثوا في هذه الموضوعات لتشكيل وعى حقيقى".
وقال الرئيس عبد الفتاح السيسى: "النمو السكانى هياكل البلد، وعندما نقول ذلك احنا مش بنخوفكم ونقول الكلام ده لكل المؤسسات في مصر بما فيها المؤسسات الدينية".
وأضاف الرئيس السيسى خلال افتتاح المرحلة الأولى من مدينة المنصورة الجديدة: هل يرضى ربنا إن اللى كنا فيه من 100 سنة كنا كدة، وبعد ما الدنيا كلها تقدمت نبقى كدة الآن، هل اللى كان موجود من 80 و100 سنة في المنصورة، هو اللى موجود فى المنصورة الآن، ويقولك ده ميصعبش علينا أن نكون منذ 100 سنة مشهد، والآن مشهد آخر".
وقال الرئيس عبد الفتاح السيسى، إن مشروع مدينة المنصورة الجديدة تم التخطيط له منذ عام 2010 أي قبل حالة 25 يناير، وعلينا أن نبرز المخططات اللى كانت الدولة عملاها وكل اللى عملتوه واللى كان معمول قبل مننا على الأقل قبل منى أنا وكان مطلوب أن يتم عمله ولما جاءت الفرصة جرينا نعملها.
وأضاف الرئيس السيسى خلال افتتاح المرحلة الأولى من مدينة المنصورة الجديدة: "اللى قلبنا كانوا يسعون لعمل ذلك وهم ليسوا موجودين معنا اليوم والظروف حانت ويارب يعينا ونظل نعمل ونعمل".
وقال الرئيس عبدالفتاح السيسي: "اللى بيتعمل في المنصورة الجديدة ليس اعتداء على الأراضى الزراعية في ظهير هذه المدينة.. لو فضل نمونا السكاني بالطريقة دي محدش هيقدر يحل المسألة وابقوا خلاص ارضوا بقا.. مافتكرش حد هيقدر يعمل أكتر من اللى احنا بنعمله، والله ماحد هيقدر يعمل اللى احنا بنعمله ده".
أضاف الرئيس السيسي خلال افتتاح مدينة المنصورة الجديدة: "البلاد اللى زي حالتنا عاوزة واحدة من 3 حاجات يا إما صبر وعمل وشغل بس، وده مسار، نشوف نتايجه بعد سنين كتيرة، وتحديدا مش احنا ولكن الجيل اللى بعد كده، أو نسيب البلد دى تضيع مفيش فايدة لأن الموضوع فى الآخر هو حجم أموال وطاقة دولة، الطاقة دي يا قد الدولة يا أكبر منها يا أقل منها، وإذا كانت أقل منها يبقى فيه إحساس بالعوز، ولو قدها هتبقى الناس حاسة بالراحة، ولو أكتر هيبقا الإحساس بالرضا أكتر".
وتساءل الرئيس السيسى: "يا ترى بالنمو السكاني على الموارد المتاحة عندنا هل في الأقل ولا في العام ولا فوق؟ احنا فى الأقل، حد يقول طالما اقل خلينا بقا نقعد في العشش.. لا يا جماعة.
تابع الرئيس السيسى: "المسار التالت إن ربنا جابلنا موارد مش في الحسبان ومحدش بيخطط لبلده كده نقول مستنيين لما ربنا يوفقنا ويبعتلنا حاجة نورث يعني.. يا جماعة يا بتوع ربنا مش بتقعدوا بقالكم 50 سنة انتوا بتظلموا الدعاء.. دعاء من غير عمل؟.. ربنا مبيعملش كده تعمل وتقول يا رب فربنا يوفقك..اقفل الكتاب واقعد ادعى وابقا هات 90 % بقا.. بتظلموا العلاقة مع الله ، بتقول هجيب وتقول ربنا هيرزقني محدش بينام من غير عشاء، لكن انت مش حسيب على ظروفك".
أكمل: اللى احنا بنعمله بتعمله شبكة طرق ليه؟ إيه الكبارى دي؟ ادونا ناكل لو معملتش كده هظلم الجيل ده والقادم والله..اذا منكتش البلد تتعاد والخطة الاستراتيجية من قبل انا ما اجى واللى قبلي يبقا احنا بنضيع البلد دي والناس والله العظيم احنا في خير ونعمة والحمد لله رب العالمين.. اوعوا تفتكروا إن ربنا سبحانه وتعالى والجهد اللى بنعمله جهد مخلص وأمين ومبدع بمنتهي القوة اللى ربنا بيعنا بيها كلنا اوعوا تفتكروا أن اللى بيعمل فى البلد دى".
تم أضافة تعليقك سوف يظهر بعد المراجعة