جدل أثارته الفنانة وفاء سالم، بعدما ظهرت الأيام الماضية بملامح مرهقة فى وجهها بعد خضوعها لعملية غير ناجحة على حد قولها وبدت بملامح كبيرة فى السن، ثم اختفت للعلاج ونشرت صورة جديدة وظهرت بملامح صغيرة فى السن وغاية فى الجمال والشباب.
أوضحت وفاء سالم، قصة وجهها لـ"اليوم السابع" وقالت: "بقالى فترة مختفية عن السوشيال ميديا بعد العملية اللى بوظت وشى وطلعت اتكلمت فى مداخلة هاتفية لأحد البرامج، وروحت لدكتور تانى وخلانى أحسن ووشى أحلى وبشكره جدًا، وبشكر كل ردود الفعل من جمهورى والحب اللى وصل ليا منهم، وليه ألتفت للمهاترات والكلام اللى مالوش لازمة، صورة التعب بانت حد لاعب فيها فوتوشوب ووضحت الكلام على صفحتى على فيس بوك وبشكر كل واحد بعتلى يطمئن عليا".
ونشرت الفنانة وفاء سالم صورة لها قبل إجرائها عملية التجميل بأيام عبر حسابها على فيس بوك، وقالت: على فكرة الصورة اللى فوق واضح الفوتوشوب التكبير فى السن لأن الصورة اللى تحت كانت قبل العملية بكام يوم فى فرح العالم الأثرى الدكتور على أبو دشيش".
تم أضافة تعليقك سوف يظهر بعد المراجعة