تحدث النجمة درة عن السبب وراء تأخرها فى الزواج رغم كونها فنانة تمتع بجمال وشهرة، حيث كشفت خلال لقائها فى برنامج "لايت شو" مع آية غريانى على قناة الحياة أن أوقات كثيرة تكون الفتاة الجميلة أو بمعنى آخر التى لديها العديد من المقومات سواء أنها حققت كارير واسم فى عملها تتأخر فى الزواج.
وأضحت درة: "ساعات الفتاة يكون عندها جمال وتتأخر، لأن لديها اختيارات عديدة ومنها أن يكون هناك تردد ويتسبب ذلك فى تأخر الاختيار، وتقول لا، يمكن مش دا، أو يمكن مش دلوقتى وبتكون عندها رفض لأسباب مختلفة، ممكن بتدور على حاجة، وفى نفس الوقت الناس بيكون عندها توقعات أكثر لها ولكن هنا ملناش دعوة بالناس لأن مش هما اللى هيتجوزوا".
وأشارت درة "لازم يكون إنتى حابة الزواج مش الناس، لأنك مش هتحققلهم أحلامهم، وكل واحدة لازم تتجوز اللى عاجبها هى، ومش مفروض يكون لإرضاء الناس، وممكن أحيانا تكون الفتيات اللى عندها مقومات أقل وظروف مختلفة يتجوزوا على طول، لأن فى منهم ساعات بيكون عندهم سعى للزواج ودا الغاية بتاعتهم وأول ما البنت تكبر تتجوز مع أول واحد يتقدملها".
وأكدت درة أنه لا يوجد أشياء كثيرة تغيرت فيها بعد الزواج حيث إن شخصيتها مازالت كما هى لكن كل ما تغير أنها أصبح لديها مسئوليات أكثر قائلة: "اتعودت انى مسئولة عن نفسى مكانش في حد تانى مسئول منى، انما دلوقتى بقيت بفكر لاتنين مش أنا بس وبقا أولوية عندى غير زمان، والقرارات كلها بيبقى فى حد تانى معايا، والحاجة اللى بعملها بستشيره وباخد راية حتى الأكل والشرب أفكر فيه كمان.
تم أضافة تعليقك سوف يظهر بعد المراجعة