"كنت عايز اسم مشهور وملفت للناس فاخترت اسم بهلول، لكن بالخطأ الخطاط اللى كتب الاسم كتبه مش بهلول، لاقيت الاسم دا ساب علامة مع الناس واتشهرت بيه، أنا بحب الشغل وهفضل اشتغل لحد ما موت"، بهذه الكلمات بدأ عم بهلول حديثه لليوم السابع عن أول عربة لسندوتشات الرنجة.
وأضاف "بهلول" الذى يبلغ من العمر 60 عاما: "أنا اشتغلت 25 سنة سواق تاكسي، لحد ما لاقيت نفسي عايز اشتغل اللي أنا بحبه، وبقيت أعمل أحلي رنجة لأني مفيش كتير بيعمل سندوتشات منها ويبعها، رغم المجهود اللى بقوم بيه لكن ربنا أكرمني في ولادى، بنتي الكبيرة معها ليسانس حضارة أوربية و5 لغات، وجوزتها وبقيت جد وبنتى الوسطانية حصلت على بكالوريوس خدمة اجتماعية وحاليا بتعمل ماجستير ودكتوراه وابنى بيقضى جيشه".
واختتم حديثه لليوم السابع قائلا: "الحمد لله ربنا ساترها معانا راضيين ومبسوطين، وهشوف محل واعمل مشروع كبير وانجحه".
تم أضافة تعليقك سوف يظهر بعد المراجعة