فيسبوك
واتساب
" بشتغل بائع فسيخ ورنجة عشان الشغل مش عيب ودى مهنة أبويا وأجدادى يعنى مهنة وراثة أبا عن جد وفى نفس الوقت انا خريج كلية أداب قسم اجتماع " بهذه الكلمات بدأ مصطفى يروى تفاصيل حكايته مع مهنة بيع الفسيخ.
وقال مصطفى الحمادى لـ"اليوم السابع" أنا شغال فى الفسيخ والشغل مش عيب بعد ما خلصت دراستى بكلية الآداب قسم اجتماع قررت أن اشتغل فى مهنة أجدادى ووقفت أبيع الفسيخ والرنجة والناس كلها بتشجعنى وتدعمنى وبنصح كل شاب حتى لو خريج جامعة يشتغل ويحقق حلمه فى أى مهنة يكون بيحبها ميقولش أنا معايا مؤهل عالى وميتكبرش على الشغل.
وأضاف مصطفي الفسيخ أكلة فرعونية من قديم الزمن والناس كلها بتحبها وعشان كدا انا ابتكرت سندوتشات للأكيلة وعشان أي حد يعرف يشتري الفسيخ والرنجة اول حاجة لازم يتأكد من مكان موثوق فيه يشتري منه ويشوف جودة الفسيخ من خلال تماسك السمكة ولونها .
