أتعيبون الخالق أم المخلوق.. تعرض لسيل منهمر من الطعنات اللفظية الوقحة التي أصابت أسرته بحالة اكتئاب شديدة عزلتهم عن محيطهم حتى أقرب الأقربين لسنوات طويلة، حتى تحولت المحنة إلى منحة وجبر الخالق بالمخلوق الصابر الراضى وانهالت تعليقات المواطنين على حلقة "فتحى شو" تقديم محمد فتحى عبد الغفار، التي تتحدث عن الطفل المعجزة "محمد" بسيل من الدعاء لوالديه، الأمر الذى أثلج صدورهم.
حالة نادرة الحدوث وموجود منه 7 فقط في العالم وواحد فقط في مصر والشرق الأوسط، الطفل محمد المعجزة ولد بعيوب خلقية كثيرة بلا انف وبلا فم أو حلق، حفظ القران في أيام معدودة بقدرة الخالق ويستطيع ان يسمع نبضات قلب البشر عن بعد فالله سبحانه وتعالى اخذ منه البصرة واعطاه الأثمن وهى البصيرة .
الأب المكلوم والأم الحزينة.. هذا هو حال الوالدين بعد ولادة ابنهم محمد المصاب بالمرض النادر فلم يتخلوا عنه ابدا ورفضوا ان يتركوه للموت أو نزع الأجهزة الاعاشية عنه بعد ان طلب منهم الأطباء ذلك، ورفضته كافة الحضانات على مستوى الجمهورية لتبدا الام نزعتها الحنونة وتقرر ان تكون طبيبة ابنها وتستكشف طرق لاطعامه.
وتروى الأم حكايتها مع ابنها قائلة، "الأطباء كلهم قالولى مش هيعيش وفروا فلوسكم وشيلوا الأجهزة عنه انتوا لسه صغيرين وهتجيبوا واحد غيره، بعد ما سمعت الكلام ده من الدكاترة اصبت بحالة من الهلع والحزن الشديد خاصة انى كنت أرى الرسول صلى الله عليه وسلم في المنام وانا حامل فيه وديه كانت إشارات من ربنا عز وجل مفهمتهاش الا دلوقتى.. اصبرى عليه واحنا هنجبرك فيه، وفعلا ربنا جبرنى فيه".
وتابعت، "ابنى مختلف عن باقى الحالات الستة اللى موجودة في العالم، لانه لا يمتلك تجويف للأنف أو جيوب أنفية، وعظام فكه مختلفة بشكل كامل فلا يتمكن من البلع أو الأكل بشكل طبيعى، ولا يرى فهو مولود بدون عيون".
واستكملت باكية، "كنت بشوف كلام يوجع اوى من الناس لما كنت بمشى بيه في الشارع واسمع الناس تقول اللهم عافنا مما ابتليت به غيرنا، كانت الناس المفروض تقولها في سرها مش تجرح بيه الناس لان الدين مقلش كده، انا ربنا لم يبتلينى ده بعتلى هدية جميلة عرفتها دلوقتى كفاية انه خلانى احفظ القران الكريم معاه".
واستطردت، "روحت المستشفى وقتها وشكلوا لجنة وقالولى كده بالنص مش هنصرف فلوس على طفل هيموت بعد شوية.. حياتى وقتها كانت سوداء فعليا، لما حد يقولى كده اعمل ايه، كنت بقول لربنا كل شوية ياربى لو فضل عايش شهر هصوم 3 أيام ، ولما يعدى الشهر ارجع تانى أقول لربنا لو عاش شهر تانى هصوم 3 أيام لحد اما ربنا جبر بخاطرى".
وأوضحت، "محمد بيسمع صوت الأشياء وبيقول هي ايه من غير ما يمسكها وكمان لما تقرا اى آية من القران يقولك هي سورة ايه، وعملت صفحة على الفيس بوك وبدأت انشر يومياتى انا ومحمد طفلى المعجزة على مواقع التواصل الاجتماعى وشاركنى مئات الأمهات اللى عندهم أطفال من ذوى الاحتياجات اللى كانوا مخبيين ولادهم عن الناس خوفا من سخريتهم .. دلوقتى هما بيخرجوا بأبنائهم للعلن".
عدد الردود 0
بواسطة:
مها
رسائله لمحمد و مامته و عائلته الكريمه
ربنا يعزه و يكرمه و يعلى مراتبه دنيا و آخره. انا بحب محمد و هوا ما شاء الله روحه جميله و عنده حس فنى و ذكى ربنا يكرمك بيه و يا رب يكبر و نشوفه آيه للعالمين. و عَل فكره شكله جميل و دي مش تفريقه انا استغربته فى الاول بس عَل آخر الفيديو انا مش مركزه فى المشاكل اللى عنده هوا شخصيته جميله يارب يكبر و يبقى بصحه وعافية و يكرمكم بيه و يوفقكوا فى كل خطوة بتعملولها.. فى رعاية الله و ربنا يجمعنا بيكم فى الجنة