عمرو أديب عن ثورة 25 يناير: "الإخوان خدوا شجرة التفاح كلها بدعم أمريكى"

قال الإعلامى عمرو أديب، إن الناس الذين خرجوا فى ثورة 25 يناير لم يكن لديهم خطة عند بداية خروجهم فى الشوارع، متابعا: "الناس بتوع 25 يناير ماكنش عندهم خطة هنعمل ايه.. إنما كان فيه حد كان عارف هيعمل إيه وهيركب الثورة إزاى ويستفيد منها".

وأضاف عمرو أديب، فى برنامج "الحكاية"، أن الناس التى نزلت فى بداية ثورة 25 يناير، كان لديها اعتراضات وإحساس بالظلم وترددت الأحاديث عن التوريث سواء كان ذلك مثبت أو عكس ذلك، وكان هناك حركات للقضاة والإخوان وحركة كفاية وهذا الحراك أدى إلى 25 يناير، مردفا: "الناس كانت بتتكلم على مين يجي ومين يمشى فى البلد.. وفجأة الناس دي كانت حاسه إن الأمر فى إيديها.. ولكن مصر أكبر من كده بكتير.. لأن لازم اللى يسيطر على المكان ده يكون حد ياخد باله من مليون كيلو متر مربع.. وطبعا الاخوان كانوا جاهزين ومأنتمين وشبه متفقين.. وشفنا فى تسريبات هيلارى كلينتون إن كان فيه خلاف داخل الإدارة الأمريكية بهذا الشأن لحد ما دعموا الإخوان اللى ركبوا الموجة وأخدوا شجرة التفاح كلها".

وتابع: "لما كنا فى 25 يناير وشفنا دبابة فى الشارع مكتوب عليها يسقط مبارك فهمنا إن النظام ده رحل.. وفهمنا إن الجيش والشعب كان بينهم اتفاق برحيل مبارك"، مؤكدا أن الخارج دائما يريد أن يكون له دورا فيما يحدث فى مصر.