فيسبوك
واتساب
بتوقيع الكشف الطبى، على قلبى وعلى عقلى
من رسم المخ تبين أنه خلاص جننى
دكتورى صارحنى وقاللى، مشكلتك يا ابنى كبيرة
على إيه وليه مستنى، ده القلب فى حالة خطيرة
من رسم القلب تبين إنك شبعان صدمات
يعنى الموضوع مش هين وده باين فى الفحوصات
ده ميت إكلينيكياً ورافض يستجيب
بس الموضوع نفسياً مش قصة دوا وطبيب
الحالة حرجة وخطيرة وكل مَدى هتزيد
أصل المشكلة والمصيبة إن الفيروس حبيب
