ابن الصعيد فى الجدعنة
سمعه وصيت ومعلمه
وشهامة وعزة ومرجله
وكرامه فوق أى مسأله
ابن الصعيد أبو الرجوله
نزاهه وأدب وأخلاق
حاجه مش معقوله
فى الجمال له طله
عدة القمر ماشالله
دمه سكر وظريف
ف القعدة حلو ولطيف
راجل جد وله هيبه
ما تطلع منه العيبه
دمه حامى وغيور
طبعه جد لما يثور
ميعجبوش الحال
لما يميل
يقف بشدة وعزم
وبكل حيل
يعدله قوام
راجل دوغرى وماشى تمام
وقت الحوجه اسد بيسد
مش ندل ولاخسيس
ولا يغدر فى يوم بعزيز
ابن الصعيد جبل
ولا من اقوى ريح يتهز
ولامن شدة فى يوم يجز
رجولته مش منظرة
طريقه زى المسطرة
دوغرى ومش عنيف
ميقواش على ضعيف
الحق عنده حق
مش هوا ولا كيف
ابن عز وعفيف
طيب ومتأصل
قلبه زى الفل
لا متزوق ولا مفصل
وقت الجد تلاقيه
راجل يعتمد عليه
ابن الصعـــيد
تم أضافة تعليقك سوف يظهر بعد المراجعة