كشفت الإعلامية شريهان أبو الحسن، خلال برنامجها راجل و2 ستات المذاع على قناة on، تقديم الفنانة هيدى كرم والفنان سامح حسين، عن كيفية التعامل مع الأبناء فى مرحلة المراهقة.
وقالت شيري: " هناك دراسة تكشف عن كيفية التعامل مع المراهقين، ولابد من الأهل العمل على حسن التعامل مع المراهق وحل مشاكله.. وكذلك لابد من تعليم المراهق عندما يخطئ أن يقر عقاب يحاسب به على عقابه.
وعلق الفنان سامح حسين: "قدام الأهل حاضر ونعم وبرة هو حاجة تانى خالص.. واللى مش عاوز يتعب فى التربية ميخلفش.. ولازم يبقى فيه صرامة شديدة وحزم فى هذه الفترة.. والعقاب مش جسدى خالص.. ولازم المراهق هو اللى يحكى ليا كل التفاصيل اللى عملها فى اليوم".
وعلقت الفنانة هيدى كرم: "الطفل بيطلب أنه مش عاوز يذاكر، غيرت السياسة مع ابنى خالص.. واديته حرية وشكل العلاقة يبقى فيها احترام شديد وبطلت أقول كلام سخيف.. والزعيق معاه، بقيت اتكلم بهدوء وبأدب وأخلاق.. ولو رد بأسلوب من غير أدب بقوله لو هتزعلنى قدام الناس هزعلك قدام الناس.. وأكتر حاجة بتزعل كلمة هتزعلنى قدام الناس هزعلك قدام الناس".
تم أضافة تعليقك سوف يظهر بعد المراجعة