حكايات مبهرة فى صندوق ذكريات يحيى الموجى: أم كلثوم ودت بابا المحكمة عشان لحن

الخميس، 17 ديسمبر 2020 03:13 م

يحيي الموجى

تقرير محمد قاسم

اضف تعليقاً واقرأ تعليقات القراء

"اتعلمت منه حاجات كتير في الحياة أهمها الفن اللي كان بيعشقه.. المزيكا كانت كل حاجة بالنسبة لوالدى وهو اللى اكتشف حبي للموسيقي والعزف علي العود فبدأ يوجهنى عشان أدرس"، هكذا بدأ الملحن يحيي الموجى ابن الموسيقار الراحل محمد الموجى يحكى لنا عن ذكرياته مع والده فى الحياة والفن .

وقال الملحن يحيي الموجى لـ"اليوم السابع" والدى قالي أنا عاوزك تدرس الموسيقي وتعوض اللى أنا معرفتش أعمله عشان أنا متعلمتش الموسيقي فى معهد أو أكاديمية وبالفعل قدم اوراقي في الكونسر فتوار .

وقال الموجى والدى كان بيحب ويقدر المرأة واتجوز 8 مرات "عشان كان حبيب" بس لم ينجب غير من أمى .

وأضاف الموجى صعب تكرار الجيل الجميل من عظماء الموسيقي حتي أنا مش بعتبر نفسي خليفة الموجى في الموسيقي لأنى أخدت طريق تانى غير التلحين وهو التوزيع الموسيقى ولقيت نفسى فى السكة دى .