تناولت برامج "التليفزيون هذا المساء"، فى ليلة الجمعة، العديد من القضايا والموضوعات المهمة التى تشغل بال المواطن المصرى وشغلت الرأى العام، يأتى على رأسها: تعليق عمرو أديب على مزاعم الهارب محمد علي و وائل غنيم..
"صبح صبح يا عم الحاج".. شاهد أغرب إجابات الأمهات بـ"أقوى أم فى مصر" على الحياة
طرح الفنان إسلام إبراهيم، مقدم برنامج "أقوى أم فى مصر" المذاع على قناة الحياة، أسئلة غريبة على عدد من الأمهات المشاركات فى الحلقة، فى فقرة بعنوان "مبفهمكش".
وقال الفنان إسلام إبراهيم، إن الفقرة ستشهد طرح عدة أسئلة، كل سؤال تحصل فيه الإجابة الصحيحة على 5 نقاط، ومن بين الأسئلة كالتالى: ما معنى الـHighLights على مواقع التواصل الاجتماعى؟: "تجميعة stories"، "ليه كده يا بسيونى، دا انا اتغيرت عشانك، كوميك مشهور من فيلم "الباشا تلميذ"، الـ Momfit هو: "نوع بنطلون"، كلمة نوستاليجا، هو كلمة تعبر عن: "الحنين للماضى".
وتابع إسلام إبراهيم، "من هو أبو العروسة؟: "عبد الحميد"، "صبح صبح يا عم الحاج، هى عبارة مشهورة من فيلم؟ "بوحة"، من هو أشهر قائد سيارات ومحترف تنفيذ مشاهد خطيرة فى مصر: "عمروماكجيفر"، بماذا وعد هشام صديقه خلف الدهشورى خلف فى فيلم صعيدى فى الجامعة الأمريكية: "هيكحرته"، يلابينا ننمزل فى بوشينكى، أين تقع بوشينكى؟: "فى لعبة بابجى"، كلمة btw اختصار معناه: "بالمناسبة".
وتدور فكرة البرنامج حول مدى تواصل الأمهات مع أولادهم، وعلاقة الأمهات بالسوشيال ميديا بشكل كوميدى، البرنامج إخراج أحمد جمعة، وتقديم الفنان إسلام إبراهيم، فى تمام الساعة العاشرة مساء.
شاهد توفيق عكاشة: الجيش المصرى خاض أكثر من 1400 معركة عسكرية
قال الإعلامى توفيق عكاشة، إن الجيش يتعرض لحملات، موضحا ًأنه على مدار 9 آلاف سنة كان الجيش المصرى يشهد فترات ازدهار وأخرى تراجع.
وأضاف عكاشة ، خلال تقديمه برنامج "مصر اليوم"، على فضائية "الحياة"، أن الجيش المصرى ، هو الجيش الأول فى العالم الذى خاض أكثر من 1400 معركة عسكرية عبر هذا التاريخ، موضحاً أنه لا يوجد جيش على الأرض دخل 1400 معركة عسكرية ، لذلك تراكمت لديه الخبرات واكتسب علوم وفنون القتال ، وللمدرسة العسكرية المصرية خبرات وقواعد علمية اقتبست لكى تدرس فى كل بقاع الأرض لأى دولة تريد أن نبنى جيشاً".
فيديو.. عمرو أديب: "محمد على من أتفه ما يمكن وبقى ممل ومكرر ومبيضحكش"
قال الإعلامى عمرو أديب، إنه فيما يتعلق بموضوع المقاول محمد على، ليس من أنصار المؤامرة أو أنه من الإخوان، مضيفاً:"محمد على نشر فيديوهات ثم تأتى 20 جهة تخلي مشاهدات الفيديوهات دي بالملايين".
وأضاف خلال تقديمه برنامج "الحكاية"، على فضائية "MBC مصر"، :"أنا مش هاممنى محمد على لأنه من أتفه ما يمكن بالنسبالى وبدأ يبقى ممل ومكرر ومبيضحكش، وقدامه أسبوعين تلاتة لأنه بيتكلم فى نفس الموضوع"، مردفاً:"المعلمين اللى شغالين بياخدوا منه كل يوم وينسج وحط، الجزيرة والجزيرة مباشر والشرق ومكملين والتايمز ومواقع الإخوان ورصد وكل بتوع 25 يناير واللى معاهم".
وتابع أديب: "اليوم كله انت متاخد ومفيش حاجة غير الموضوع ده، والموضوع ولا واحد فيهم بيشتغل عليه صحافة أو معلومات، بيكرروا الكلام اللى الراجل قايله عن الريس والجيش".
وأردف أديب: "فيه وشين جداد ظهروا الأسبوع اللى فات بالصدفة مع بعض، وائل غنيم ومحمد على، دا يغنى ودا يرد عليه، وفيه شتايم قبيحة وصعب حد يرد عليها، عشان محدش يقربلهم".
فيديو.. عمرو أديب: "يولع محمد على ووائل غنيم دول قاعدين بره..يهمنى اللى هنا"
علق الإعلامى عمرو أديب، على فيديوهات المقاول محمد على، قائلاً:"لما نزل الفيديو الناس قالت ايه ده الجيش المصرى عامل كده؟، دا النغمة دى موجودة من زمان".
وأضاف خلال تقديمه برنامج "الحكاية"، على فضائية "MBC مصر"، :"اللى ضايقنى فى الفترة الأخيرة الناس اللى بصت وسكتت، يولع محمد على على وائل غنيم على الجزيرة على كل الحكاية دى، الناس دى قاعدة بره، محمد على فى برشلونة ووائل غنيم فى أمريكا"، مردفاً:"يهمنى الناس اللى قاعدة هنا فى البلد الـ 16 مليون تلميذ اللى داخلين المدارس والناس اللى بتتعالج والناس اللى بتتعلم، دول قاعدين برة ملوش دعوة بينا".
واستطرد أديب، : "عاوز افكركم بحاجة، فى عهد مبارك، كانوا بيقولوا جهاز الخدمة الوطنية بيعملوا فراخ، يعنى قبل 2011، فيه ضرس شديد فى مصر اسمه الجيش، يجب لخلخته لأنه القوى، وفى 2012 البرادعى كان بيهاجم الجيش، وهيظهر بكرة أو بعده".
وتابع: "محمد على اللى بيتكلم عن الجيش والفساد، هقول رأيى، فكرة لطيفة جداً، أنا يكون عندى مشاكل فى بلدى، وعندى فلوس مستلفها من بنوك، والتزامات تجاه أفراد، وتجاه عائلة ومش قادر أعملها، أعمل ايه؟، وعندى فكرة أبيع حاجتى وأروح طالع برة، وأقعد وأقول أنى بكشف الفساد، وأنت معتقد أنك محمى ومحدش هيقربلك، وتقول أهو يا باشا أنا بتكلم فى الفساد وفيه حد قربلى، والفلوس بح".
وأردف أديب: "البلد دى شديدة وعصية وعنيدة، وأى مؤسسة فى الدنيا وارد يكون فيها نسبة انحراف، المهم يببقى فيه ضبط وربط ورقابة وتصليح مستمر".
فيديو.. عمرو أديب: "مهم جداً الناس تعرف قواتها المسلحة بتعمل إيه".. ومحمد على حرامى
قال الإعلامى عمرو أديب، تعليقاً على فيديوهات المقاول محمد على، :"الحيرة فى الأيام اللى فاتت إن التافه ابن التافه دا نرد عليه ولا لا"، مردفاً:"رب تافه نافع، مهم جداً الناس تعرف قواتها المسلحة بتعمل إيه، وإيه الحكاية وبتشتغل إزاى، إحنا مش بنرد على محمد على ولا وائل غنيم، يولعوا هم الاتنين".
وأضاف خلال تقديمه برنامج "الحكاية"، على فضائية "MBC مصر"، :"بعد محطات الكهرباء والمياه والإسكان الاجتماعى وبعد فصول التعليم وفيروس سى وحاملات الطائرات والغواصات والرافال والمترو والسكة الحديد والمونوريل، كل دا البلد بقى فيها فلوس تتسرق؟، انتو الفلوس مش شايفينها وهى بتتصرف".
وأوضح أديب: "اللى ميشوفش من الغربال يبقى أعمى، إنتوا مش شوفتوا الرافال والغواصات وغيرها، دا احنا أغنياء أوى"، مردفاً:"هى فكرة لطيفة لما واحد يتزنق يروح طالع وواخد طيارة على برشلونة، هو أسبوع و10 أيام والفيديوهات هتخلص، وهيجى يوم يا محمد تروح منك وتطلع زى وائل غنيم ترقص قدام الناس".
وتابع أديب:" البلد واحنا فيها بنقول مش عاجبانا، والمصحف شهر أو اتنين بره بيعضوا فى البلاط ويشتاقوا لترابها، ويقولك ادفنى فى بلدى، تبقى متطمن على أهلك، أمك بعتها وفلوس أخوك نهبتها، هتفضل يابنى بقية حياتك ماشى تبص وراك، وتفضل كل ما مصرى يشوفك يتف فى وشك".
واستطرد:" البلد دى مش سهلة ولا صغيرة، وما بتتهزش، ويوم ما الناس ترد، لا ضعف ولا بترد على محمد على، فيه حد أهم من محمد على ووائل غنيم هو الشعب المصرى"، متسائلاً:" هو فيه حد مصدق الكلام ده؟ للأسف فيه، الناس اللى ربنا رزقنا بيها بسبب السوشيال ميديا و2011 والإخوان".
وأردف أديب: "الأعمال الكاملة لمحمد على على الجزيرة.. مش عيب تنجّموا واحد حرامى، ولا هو نهد البلد على اللى فيها وخلاص، هو حرامى باعترافه، حرامى يتعمله قناة".
أديب: "أطلب من الرئيس يتكلم مع الناس ليس رداً على المقاول لكن عشان يطمنهم"
وقال الإعلامى عمرو أديب، تعليقاً على فيديوهات المقاول محمد على، :"الأعمال الكاملة لمحمد على على الجزيرة، مش عيب تنجّموا واح دحرامى، هل قطر بتحب الشعب المصرى؟، مش دى قطر اللى أول ما قامت الثورة طلبت الوديعة.. ومصر دفعتها على الجزمة".
وأضاف خلال تقديمه برنامج "الحكاية"، على فضائية "MBC مصر"، :"أنا لا يهمنى محمد على ولا وائل غنيم، عاوز أعرف البلد دى ماشية ازاى، أرقام التضخم أقل الشهر ده، وأعلى معدل نمو، وأعلى عدد سياح من 2011، وعاوز تقولى وسط دا كله الفلوس بتطلع، البلاد اللى بتبقى فاسدة الفساد اللى بتقولوا عليه ما بيلاقوش ياكلوا".
وتابع:"دا طلب، إن الريس بكرة يتكلم مع الناس، ويقولهم الوضع كذا، ليس ردا على محمد على، ومش عيب، الشعب من حقه يطمن، لأنه بكرة فيه جلسة عن الشائعات فى السوشيال ميديا، والشائعات الناس بتحاربها بالمعلومات، وأملى إن هذه الأمور يترد عليه".
وتابع:"هذا الرجل – محمد على - أصبح مملا واللى بيقوله بيعيده، ومستنى الحاجة الكبيرة، وبعيداً عن الشتيمة، وبعيداً عن الهرى ده، طيب ومصر، والناس اللى عندها مستقبل، ومشاكلنا فى المية مع إثيوبيا، وغيرها، وانت كمواطن مش شايف، عاوزينها تتطربق يعنى، البلد دى مش ضعيفة، دى قوية وماشية فى طريق جيد، نحن لا نرد على محمد على ولا وائل غنيم".
تم أضافة تعليقك سوف يظهر بعد المراجعة