مشاركة
بيسحرنى
بصوت رجعه وترتيله
ولما يسبح الرحمن
ولما ف حزنه يشكيله
الحمد لك والملك لك
وساعات يقول
أشكوه لك
وأنا الحيران
وأقف عاجز ومش قادر
أمد إيديا وادعيله
لسان ناطق لكن خرسان
ومتخيط بخيط عصيان
وتل ذنوب على ضهرى
وجوه النفس ألف شيطان
وابص لفوق
وأقول يا رب أمتى أفوق
ده أنا ف ملكك يدوب مخلوق
وأنت الواحد المنان
يارب بعفوك ارحمنى
ده أنا عبدك
أنا الإنسان
مشاركة
تم أضافة تعليقك سوف يظهر بعد المراجعة