قلب
مشاركة
يا بت قلبى فـ كفوفى
يشرح غرامى بسلام
مدى إيديكى وشوفى
تلقى سلامى غرام
يا عيون كالبندقية
صادتنى بضحكتين
ولقيت الحب واعر
ودّرنى مرتين
والشوق يا بت عمى
اهرب من ناره وين
واللهْ لاخد بحقى
من فوق الشفتين
وتدور بينا الفواصل
ولا اهمّل تارى واصل
مهما يطول الحنين
واحنّيكى بإيديا
وادفع مهرك عنيا
واجيب فوقهم هدية
من قلبى دقتين
مشاركة
تم أضافة تعليقك سوف يظهر بعد المراجعة