رمضان صبحى: شوقى غريب ماكنش يعرف حاجة عن ماسكات "لاكاسا"

قال رمضان صبحى نجم منتخب مصر والنادى الأهلى، إنه بعد كل مباراة كان كل واحد من الفريق بيطلع بفكرة جديدة، وكنا كلنا بنشوف إيه أبعاد الفكرة اللى هنعملها.

وتابع صبحى، خلال لقائه مع الإعلامية منى الشاذلى فى برنامج معكم المذاع على قناة cbc، أن صاحب فكرة الماسكات هو طاهر محمد طاهر وقالنا إية رأيكم نلبس ماسكات وندخل، فأنا قلقت شوية وبعد كده قولته تمام بس تعرف تجيب العدد كلة قالى تمام أنا هتصرف، وكلمنا ناس من اللجنة المنظمة وسألناهم لو لبسنا الماسكات هيكون فيه عقوبات، فقالوا لا والكابتن شوقى مكنش يعرف إيه حاجة عن الماسكات، وطاهر كان مصاب وقتها وقالنا ركزوا أنتوا فى الماتش وأنا هعمل كل حاجة".

وواصل صبحى : فكرة الماسكات دى فكرة ملهاش أى علاقة بأدائنا فى الملعب، كنا بنفرق بين الضحك والانبساط والأداء داخل المستطيل الاخضر.

وكان نجوم المنتخب الأولمبى، قد دخلوا استاد القاهرة الدولى مرتدين قناع المسلسل الإسبانى الشهير "لاكاسا" خلال مواجهة كوت ديفوار، فى ختام بطولة كأس الأمم الإفريقية تحت 23 عامًا.