قال الإعلامى عمرو أديب، إن السلطات الألمانية أجرت التحقيقات مع محمود عمرو محمد عزت، الذى قامت مصر بترحيله من مطار القاهرة الفترة الماضية، والذى تبين أنه يحمل الجنسية الألمانية بجانب المصرية وينتمى فكريًا لعناصر من تنظيم داعش الإرهابى فى الخارج.
وأضاف الإعلامى، أن "معدش فى دول بتهزر فى مواضيع الإرهاب دى أخدوا منه الموبايل.. وفتح النائب العالم الألمانى تحقيق.. الولد من داعش ودولة ألمانيا دلوقتى مبتهزرش.. أه هى أغنى دول العالم لكن.. الواد لما نزل من الطيارة تم القبض عليه وراح يتحقق معاه.. الواد ينتمى للفكر الإرهابى.. الأمن المصرى مقصرش معاها وقام رحله على طول.. إحنا مش عارفين هيعملوا أيه وجايين يخططوا لأيه فى البلد".
وتابع أديب: "أن الدول الأوروبية لديها ملفات عن الشباب الذى ينتمى للفكر التكفيرى ولكن مكنوش بيحققوا معاه إلا بعد أى عمل تخريبى ولكن دلوقتى التحقيق مع أى شاب ينتمى للفكر التكفيرى.. الواد أخدوا البصمة الرقمية بتعته علشان يشوفه بيكتب أيه على الميلات ومواقع التواصل الشخصية.. والمصريين رحلوك ليه من البلد وما الهدف من ترحيلك لألمانيا مرة أخرى وكنت هتعمل أيه هناك؟".
تم أضافة تعليقك سوف يظهر بعد المراجعة