نصيبى وقسمتى يضيع حبنا وتتوه سكتى والوجع فى قلبنا
والدنيا تبعدنا لبعيد حبيبتى وإيه تانى يجمعنا بعد حبنا
والصعب اللى كان يحلانا يجى بكره يشغل الهم بالنا
آه من الفراق حبيبتى وأحنا من بعض دايما قريبين
وآه من وجع قلبى قسمتى وبيشدنى ليكى الحنين
والدمع بيصرخ مكتوم جوا العين واشكى وجعى لمين
وأحنا من بعض حبيبتى محرومين وأروح من حبنا فين
والكلام مكتوم فى قلبى سجين والخوف تضيع منى يا حب السنين
والفقر سور عالى ما بينا أمتى أخطيه ويا ترى حبنا ألقيه
وقلبى اللى حبك هتنسيه وكاتم حبك مش قادر يبوح بيه
آه يا سر عجز فقرى وخوفى والكسوف هيضيع منى حبى
ودمع العين يا زمانى تعال شوف والدمعة بتوجع قلبى
وآه من صراع القلب والعقل
القلب يصرخ يقول حبنا ممكن والعقل يقول لا مستحيل
ودموع العين بحر حزين وآه يا حبيبتى من طول سواد الليل
والعقل حيران فى التفكير والقلب يبكى بدموع العين حزين
وقلبى فى صدرى يأن وهيضيع من عمرى أجمل سنين
وكلمة مكتومة فى قلبى بقالها سنين "بحبك" حبيبتى بكل يقين
وأنا وأنتى من الزمان خايفين وحبنا يضيع فى ليل حزين
والحب حبيبتى صبح سلعة لبيع بمال كتير وأنا فقير حزين
والحب ليا مستحيل وفى وجع قلبى أبات والنوم ما يعرف العين
وآه يا حب السنين ياللى ضعت منى فى غمضة عين
أروح من وجع قلبى فين وصورتك مرسومة جوا العين
والقلب ما يقدر يوم ينساكى وأعيش دايما على ذكراكى
الله يسامح الزمن اللى يفرق بين الحبايب وقلبى سبته معاكى
وحبيت يا قلبى لكن مش فى ميعادنا وزاد الوجع وعذابنا
وضاع حبنا بعد ما فتحت لحب بابنا واستطر بالدمع كتابنا
وارجع وأقول قسمة ونصيب ليها أنا حبيت
وأعشق من نظرة عين منها ولا يوم ليها أنا نسيت
ولا يوم أقدر أنسى وأنا لرؤيتها عايش وهويت
قسمتى والنصيب أن أنا حبيت
تم أضافة تعليقك سوف يظهر بعد المراجعة