شارك القارئ محمد شبكة، خدمة صحافة المواطن، بصور معرض الفنون التشكيلية بدكرنس محافظة الدقهلية، والذى لأقامة 43 شاب وفتاة موهبين.
وقال شبكة " أنا ومجموعة من أصحابى فى كليات مختلفة بنرسم فكرنا إننا نعمل معرض من دخلنا الشخصى من غير أى حد .. إحنا مجموعه شباب أكبرنا عنده 20 سنة، معرض هيضم الرسم والنحت والماكيت المعمارى.. وكل دا احنا اللى عملينه بإيدينا .. احنا شباب من المنصوره كلنا وعددنا 43 شاب بينهم 24 فتاة".
وتابع:"احنا قبل المعرض عملنا ورش لناس بادئين من الصفر ف مجال الرسم اتعلمو وهيقدمو شغل ورسم ف المعرض.. المعرض كله معمول عشان يشجع المواهب ف المنصورة ..هى الفكرة أساسها إننا من مركز اسمه دكرنس ف المنصورة، وشوية شباب اللى هو لأنا واحد منهم .. وحاليا بدرس فى كلية طب أسنان .. وجمعنا الموهبين ف المدينة بقالنا شهر ونص.. وبدأنا نعلمهم وعملنا بيهم معرض وكلنا بنرسم وكل دا من دخلنا الشخصى".
تم أضافة تعليقك سوف يظهر بعد المراجعة