فيسبوك
واتساب
تعالوا نبدل الأماكن
أحلى مما هو ساكن
سلاح نبدل حرف هتبقى سلام
والحلم هيبقى فجأة علم كمان
ويا سلام لو شلنا حرف من الحروف
تتحول من حرب لـ حب
ومن جراح لـ خلاص راح
وبنفس الحال
تعالوا نغير الطباع
من غضوب لـ ضحوك
ومن مهموم لـ فرفوش
هتفرق معنا معانى الحياة
وتتحول من غم و هم للأفراح كالعادة
ومن عذاب وشقاء للسعادة بزيادة
تعالوا نحب الحياة
نحب الخير للغير
نحب العطاء أكثر من الآخذ
ونحب الضحك أكثر من البؤس
تعالوا نعيش
ونبدل الأماكن لكل شىء ساكن
تصبح الدنيا حلوة بكل من فيها
هنا عايش وجواها ساكن
هتبقى أحلى بالتغير
يلا من غير تفكير
العمر مهما طال.. فهو قصير
بدل قلبك
بدل فكرك
بدل خوفك
تتبدل الحياة لكل هدوء وسكون
تعالوا نبدل الأماكن
يتحقق حلم كل كائن
