فيسبوك
واتساب
(كمين 1)
إسمك ... وسنك ...
وموقفك من الافراح
وحالتك ...
جارح ولا مجروح !
وساكنه فين فيك الـ جراح ؟
وقبل ما تجاوب
وتقفل كل البيبان
وتعمل متعرفنيش
فيه كوم احزان
وتنهيده واحشها الضم والتفتيش
تنهيده حايشها عن الكلام
عالم فوضى ...
كل ما يبدأ يتلاشى
عالم بيخاف عالدمعة الكدابة
فـ يغيب فى السُكر
ويتبخر فى دخان الحشيش
عالم بواقى بنى آدمين
جوه الدنيا كأنه عادى
وبره الدنيا ناس تانين
جيش أحزان فى حضن يتيم
خلى كل ما فينا كمين
كل الأسئلة عساكر
كل الأجوبة دراويش
فى زوايا الوجع شبح
وفى العتمه خفافيش
يا بادى بالعتب
مش كل شىء مكتسب
فينك منك
ومنك راح فين يعيش !
...... يتبع ،
