دشن جماهير نادى الزمالك، هاشتاج "جروس يا مرتضى"، والذى تصدرقائمة الأكثر تداولاً، على موقع التغريدات القصيرة تويتر، يطالبون من خلاله رئيس نادى الزمالك مرتضى منصور، بالإبقاء على التعاقد مع المدير الفنى السويسرى جروس، كما وجهوا الشكر إلى المدير الفنى خالد جلال، مشيرين أنه ليس رجل تلك المرحلة.
جروس يا مرتضى ترند على تويتر
محمد فيصل، قال :"خالد جلال ابن النادى وكل حاجه وعمل أداء عالمى لكنه مدرب مرحلة وميبنيش فرقة ويطور لعيبه وينافس على بطولات"، وأوضح آخر :" كل احترامنا وتقديرنا ليك يا كابتن.. بس الوقت دة لازم جروس".
خالد جلال مدير فنى رائع ولكن المرحلة تقتضى
أما أحمد شيكا فأكد أن:"غلطة كل موسم مدرب يفوز على الأهلى والإسماعيلى يستمر مدرب للزمالك.. الزمالك محتاج مدرب ذو شخصية كبيرة".
خطأ كل موسم الإبقاء على خالد جلال
وفى نفس الإطار، أوضحت رحمة:" أنا معاك إن خالد جلال مدرب كويس و كل حاجة بس ماتش ماتشين واستمراره من غير دعم كامل تكرار لأزمة مؤمن سليمان".
خالد جلال مدرب رائع ولكن
وكتب إبراهيم :" أحنا مش منكرين تماما الدور اللى يعمله خالد جلال بس الزمالك عايز مدير فنى أجنبى يحضر فترة الإعداد ونستعد للموسم الجديد.. شكرا خالد جلال".
لازم جروس
عدد الردود 0
بواسطة:
مينا ميشيل
دول أهلاوية يامرتضي مفقوسة لان خالد هوه قاااهر الاهلي الحقيقي
كل الزملكاوية مؤيدين خاااااا1ااااالد جلال لنه مش مجرد محقق نتائج لأ ... الراجل رجع الرووح في فرقة ماتت من ٣ او ٤ سنين ورجع معاها الفن والهندسة ... الاهلوية بقو مرعوبين من خالد جلال لانه قاااااااااهر الاهلي ... كل الزملكاوية قاعدين مع الاستوديوهات التحليلية او التحفيل علي الاهلاوية ... ده أ ب زمالكوي... اللي يغلب الاهلي ٢-١ طبيعي يقدر يغلب الاسماعيلي ٤-١
عدد الردود 0
بواسطة:
m.hossam
جروس السيرة الذاتية له ضعيفة
أتمنى أن يستمر خالد جلال كمدير فني للزمالك وخاصة أن جروس سيرته الذاتية ضعيفة جداً. ما هو المطلوب من أي مدرب أكثر مما شاهدناه مع خالد جلال!!!
عدد الردود 0
بواسطة:
مشمش
دول جماهير الاهلى...بيهزروا هزار تقيل شويه..بعد ان فقدوا اعثابهم..بعد مباراه الامس
😁😁..نحن الزملماويه نؤيد بقاء الكوتس خالد جلال مديرا فنيا للملكى......فهو قاهر الاهلى بطل الدورى ووصيفه الاسماعيلى بالاربعه
عدد الردود 0
بواسطة:
د. حسام
الاهلوية عايزين جروس علشان خالد جلال مش هينفع معاهم لانه المرعب
طبعا واضح انهم اهلاوية وعاوزين الزمالك يبدا من الاول تاني و عقبال ما يوصل للى هو فيه دلوقتى يكون ضاع الدوري تاني و بكده يكونو حققوا اللى معرفوش يعملوه مع خالد جلال المدرب الكفء لازم يكمل مدير فنى للزمالك ويكفي انه بيكسب وبأداء رائع و خلى الاهلى و الاسماعيلى و الانتاج بيتفرجو بس برافو عليه و محدش يسمع للي بيقول جروس ده ده حتى مكلفش فسه يتفرج على الفريق اللى المفروض هيدربه و سافر حاجة متخلفة اصلا
عدد الردود 0
بواسطة:
mado
مين الاهلاوية المرعوبين دول؟ هات لي واحد بس
اهلاوية مين يا جماعة اللي مرعوبين من خالد جلال؟ احنا هنحط علي خالد جلال ده طوب وزلط في اول مناسبة جاية هتجمع الفريقين... قال مرعوبين قال...!! المشكلة ان اما تكسبوا ماتشين بتعملوا كل الافلام دي وبعد الخسارة ترجعوا للجحر تاني كالمعتاد