كان ولا فى الأحلام أنى كلمتك
بسرعة قلبى اتشد لك
لكن نسيتى أنه كان بيتك
وقلت لى أنا رحت لغيرك
وكل دا عقابى وذنبى
عشان أنا حبيتك
كنت بستنى لقاكى
وكلامك ليا ووصفك فيا
ولما تقولى ياحياتى
وحبيت أبقى حياتك
خدتى الحياة منى وألمتنينى
وكان همك تعذبينى
عشان أنا حبيتك
زعلنى منك خيانتك
وبصراحة بارعة فى ندالتك
ونكرتى بكل غرابة جميلى
فاكرة لما خدت بيدك
من الدنيا لما ضايقتك
فاكرة لما قلتى أنا بدايتك
وأن على صدرى راحتك
ولكن طلعت نهايتى مش نهايتك
وغلطتى ايه عملت ايه
يادوب عشان حبيتك
اتكبرتى وعشتى دور مش دورك
ولبستى لون مش لونك
وعاشرتى حد شوه عيونك
وبين للدنيا عيوبك
اتاريكى حابة اللى يعيبك
وكارهة اللى يعشق عينك
انت ما بتعرفيش تحبى
انت تقسى تغدرى تخونى
اللى فى يوم بس
يقول أنا حبيتك
تم أضافة تعليقك سوف يظهر بعد المراجعة