محمد عبد الله طاهر يكتب: فين قلوب الطيبين؟

الإثنين، 12 مارس 2018 04:00 م

شخص حزين – أرشيفية

نفس داخل ونفس خارج وأيام ماشية تجر سنين

أمل عايش وأمل غايب وأمل خلا القلب حزين

ناس عايشة بتتعايش وناس طايشة كما المجانين

ناس عيشتها عالهامش وناس عايشة ومش حاسين

ناس بفلوسها تتمايل ومالى نفوسها سواد الليل

و ناس عالصبر تتحايل وتتمنى بس يبقى طويل

ناس عايشة ومش عايشة وناس ناسية فى ناس تانيين

فين الصحبة فين اللمة فين قلوب الطيبين

ليه ناس كتير بعدو عننا ليه بقينا متفرقين