حسن الكومى يكتب: لحظة حياة

الإثنين، 19 فبراير 2018 08:00 ص

القوات المسلحة -صورة أرشيفية

عمرك زى القطر مسيره هيعدى .. اختار اللحظة الحلوة وعندها هدى

ارجع ودور عن لحظه قلبك فيها ضحك ووشك بقى منور

عن حضن ابوك فى أول يوم زيارة جيش

عن شغل كنت تتمناه وخفت فى يوم لميجيش

عن فرحه ربك شايلهالك وبعد الصبر عطهالك

عن دعوه حلوة من أمك وهى شايلة وياك همك

عن كلمه حلوة من عندك جبرت بيها خاطر حد

أيامك جواها كتير .. عشها من غير تفكير

اتوكل بس على ربك وهى اكيد هتضحكلك