فيسبوك
واتساب
ياحلاوتها
جمالها بيحيى فيا حاجات
أنا نسيتها
عنيها بترسم الأوقات
بنظرتها
ياصوت بكمان بيتلحن
ف نبرتها
يااحلى طريق بيخطفنى
نسيت نفسى وانا معاكى
ومين ف البعد ينصفنى
يامحلاكى
يارقتها.. ياحلاوتها
بتتدرس ف مشيتها
حنانها بحور وبتغرقنى جواها
وقلبها بيت بيأسرنى.. وهى بعيد
أنا معاها
وأحلى جنان..معاها يكون
أنا العاقل بقيت مجنون
وبرجع طفل وياها
يالمستها..
يانبضة قلبها ليا وضمتها..
وعن ضحكتها لما تغير
وعن شوقها ولهفتها..
ياقلبها لما يطمن ويحكيلي
ولما ف وسط أحلامها
ارق مكان بتبنيلي
قلقها وخوفها باستمرار
وتفاصيلى اللى حباها
بعيد عنها حياتى مرار
وجودها معايا حلاها
ده قلبى قبل منك كان
يخبى مشاعره ميت مره
لكنه معاكى عمره ف يوم م خباها
ياستر حنان بيكسينى
ياورد ربيع مغطيني
يامحتلانى من جوه
أسير لعنيكى خدتيني
يارقتها ياحلاوتها
جمالها بيحيى فيا حاجات
أنا نسيتها
عنيها بترسم الأوقات بنظرتها
