محمد عبد الله طاهر يكتب: واحدة بواحدة

الخميس، 04 يناير 2018 08:00 م

ورد

واحدة بواحدة مش هاسمحلك تانى تهيني

هاعيش بكرامتى وإن كان حبك حتى آسرني

انا مش واحدة تلعب بيها وتبهدلنى

هابعد عنك وأبعد قلبى وأنت عارفنى

انا مش سهلة وممكن أعلن حربى عليك

واحدة بواحدة وانت البادئ ده بايديك

مش ناوية أكمل ولا هتحمل تانى عذاب

ده قلبى اتحمل مُر وأسوة وشبعنا عتاب

د أنا حبيتك حب يملا الف كتاب

بس كرامتى أهم عندى من الأحباب