لم تتحمل "س" حياتها الزوجية بعد ضرب زوجها المستمر لها، وإهانتها بشكل فاق احتمالها، فما كان منها إلا أن لجأت لساحات القضاء عسى أن تضع حدًا لتلك الحياة التعسة، مطالبةً بالخُلع من زوجها أمام محكمة الأسرة بمنيا القمح بمحافظة الشرقية، قائلة: "طردنى من البيت وسابنى سنتين غضبانة، ومن حقى أشوف حياتى بعيد عنه".
"س"، اعتادت حياة الاستقرار ونشأت في كنف أهلها على عادات الاحترام والتقدير، حتى تزوجت من "أ .س" 27 عامًا، لحَام كاوتش سيارات، فى علاقة أشبه بـ"زواج الصالونات".
وقفت "س" أمام قاضى محكمة الأسرة بمنيا القمح، تسرد تفاصيل دعواها التي حملت رقم 3062 لسنة 2017، للخُلع من زوجها، الذي أهانها على مدار 5 سنوات زواج أسفرت عن طفلتها "م" التي بالكاد أكملت عامها الثاني، لتوضح الأم: "من وقت ما اتقفل علينا باب واحد وهو معاملته اتغيرت خالص عن فترة الخطوبة، ولا بقى فيه كلام حلو ولا حتى ابتسامات، وكل حاجة بقى يطلبها بالزعيق أو الضرب".
وتابعت: "فضلت متحملة لما ربنا كرمني ببنتي وقولت حاله يمكن ينصلح ويتغير، لكنه فضل على حاله وزاد أكتر كمان لغاية ما جه في يوم من سنتين وطردني من البيت وقاللي روحي عند أهلك".
وأوضحت "س" أنها طوال سنتين قضتهما فى منزل أهلها لم يوافق زوجها على أى محاولات للصُلح أو إعادتها مرةً أخرى لمنزله، وفق قولها: "كأني عاملة عاملة وأنا اللي غلطانة مش هو.. أنا خلاص فاض بيا، والحمد لله ربنا كرمني بعريس اتقدم لي وأنا موافقة بس القضية تتقبل واتخلع من حياته بس".
عدد الردود 0
بواسطة:
ahmed
ربنا كرمني بعريس
حلوة قوى ربنا كرمني بعريس. يعنى من الاخرشايفها حالها مع واحد ومستنيا تتطلق.. انا متاكد ان نصف خلافات محكمة الاسرة بين اى زوجة ...دور ورها عن الزوجة اولا وليس الزوج ....
عدد الردود 0
بواسطة:
أحمد هشام-محرر صحفي
تستوقفني جملة منها .
تثيرني جملة المراة في دعوتها للخلع وهي "ربنا كرمني بعريس اتقدم لي وأنا موافقة بس القضية تتقبل واتخلع من حياته بس" غير مستبعد أن يكون لها عشيق وتستفذ زوجها دائماً حتي يضربها وتكون حجة بالخلع المراة هي المستفزة في هذا العصر المستفز الله المستعان .
عدد الردود 0
بواسطة:
محمود
عند حق
من حقك تدورئ علئ غيره لما الراجل يطرد زوجته من البيت ويسبها غضبانه سنتين المفروض انها ترجع البيت لوحدها بعد كده دئ عدم احترام من الزوج لان سمح لزوجته ان تمشي من بيتها كانها خدامه عنده وعند اهله طيب ليه سيبتها سنتين معنا كده انك مش بتحبها من حقك تدورئ علئ غيره اللئ بيحب لازم يحافظ من وجهه نظرئ
عدد الردود 0
بواسطة:
Lolo
؟؟
أعتب عليها أنها تركت نفسها رهينه على موافقته رجوعها ، ما هذا الذل الذي ارتضته على نفسها ؟! يا سيدتي أجددنا اختصروا مشكلتك في مثل شعبي شهير يقول "من حبنا حبناه وصار متاعنا متاعه ...الى آخر المثل" ، كرامة المرأة هي رأس مالها مع تفويت بعض الأمور حتى تسير سفينة الحياه ولكن بلا ذل بلا ذل ، ابحثي عن رجل غيره يحتويكي ويحتوي ابنتك التي تيتمت على حياة عين أبوها ولا تلتفتي للقيل والقال لأنه أبدا لن يرضى عنك الجميع حتى لو عدتي للضرب والاهانه والطرد.
عدد الردود 0
بواسطة:
منين نجيب الصبر
مخطئة فى حق نفسك بدون جدال-انت كنتى فاكرة الدنيا هتمشى سيجال لا العيش مع زوج زى دة درب من المحال
طالما قلتى أنة من أول يوم ما اتقفل عليكم باب واحد وهو اتغير خالص--يبقى كدة هو مش لحام كاوتش--دة بستين وش ووش--وحياتة مبنية من الاساس على الغش--وعايش فى البيت مهموم وزى خيال المأتة لا بيهش ولا بينش--وعلى بالة بانة لما يضرب ولا يشتم الناس من هتخاف وتكش--بس بصراحة ياختى كدة يا ست-س--انت وعمايلك اللى طيرتوة من العش--شوفى بقى اية اللى كان فى ودنك عمال يزن و يوش--أما العريس المهدى المنتظر فاللأسف مصيرة يقلش--كان لازم من الاول توقفية عند حدة حتى لو بدونة هتكلى عيش حاف أو بمش
عدد الردود 0
بواسطة:
عايده
اتنين ملهمش أمان....الرجالة.....و النسوان
احنا نعيش في المريخ ..احسن.... و أضمن.....
عدد الردود 0
بواسطة:
محمد سعيد
حسنين زى محمدين
بحس ان الست دى بتخلع ضرس مش راجل
عدد الردود 0
بواسطة:
د. اشرف تاج الدين
جهل بالدين والمنطق
انسانة مريضة ومختلة عقليا ودينيا....عريس تقدم لها وهى على ذمة رجل اخر.....شكرا ماما سوزان!َ
عدد الردود 0
بواسطة:
عبد الحكيم مقلد
لاحول ولا قوه الا بالله
كل الكلام اللي قلتيه يخلينا ندعمك ونقف في صفك ما عدا موضوع العريس اللي اتقدملك ده انتي ناسيه انك علي ذمه راجل حتي ولو كان ابن ستين في سبعين لما تطلقي وتبقي مش علي ذمته يبقي من حقك تعملي اللي انتي عاوزاه , وربنا يوفقك ويكرمك ويصلح احوالك ويحفظ بنتك منك ومن ابوها ومن العريس المنتظر