هى مصر بجمالها وطيبتها وسماحتها، تتجسد فى صورة، نشرتها فتاة قبطية، تجعى كرستين عصام، التى روت قصة احتفال فتيات منتقبات بخطوبة ابنة خالتها فى الأزهر بارك.
فتاة قبطية، تستعد لالتقاط "فوتو سيشن" لحفل خطوبتها، مع أقاربها وخطيبها، فوجئت بدخول مجموعة من الفتيات المنتقبات والمحجبات والاحتفال معها، وحرصهن على التقاط صور تذكارية لحفل الخطوبة، هكذا روت كرستين.
تقول كرستين :" دي خطوبة بنت خالتى كنا في أزهر بارك بنعمل فوتو سيشن وفجأة لقينا مجموعة من إخوتنا المسلمين ومنتقبات كمان وفضلوا يصقفوا وهما فرحانين جدًا وسلموا عليها وباسوها كلهم وعملولها فرح تانى خالص وادو روح حلوة فى المكان".
وأضافت: "الناس دى مابصتش لدين ولا للبس ولا شكل ولا لأى حاجة الناس دى بتحب من قلبها بجد وده أكبر دليل إننا واحد، مضيفة: الناس دى حلوة جدا ويا ريت لو موجودين فى الجروب تتواصلوا معايا علشان تخدوا الصور بتاعتكم، ربنا يفرحكم زي ما فرحتوها وعقبالكم".
الصورة لاقت انتشارًا كبيرًا عبر موقع التواصل الاجتماعى "فيس بوك"، وحصلت على العديد من الإعجابات والمشاركات، تحت هاشتاج "مصر فى صورة"، وأبدى متداولو الصورة أن هذه اللقطة تبرز تسامح المصريين ونقائهم ووحدة النسيج الوطنى.
بوست كرستين
فوتو سيشن الخطوبة
تم أضافة تعليقك سوف يظهر بعد المراجعة