وجه أحمد رفعت صانع ألعاب نادى الزمالك رسالة اعتذار لجماهير القلعة البيضاء عبر "انستجرام" وذلك بعد السقوط المتتالى للفريق فى كافة البطولات سواء الدورى أو كأس مصر أو دورى أبطال أفريقيا أو البطولة العربية .
وودع الزمالك مسابقة كأس مصر بالخسارة أمس أمام النادى المصرى بثنائية نظيفة فى نصف النهائى .
وجاء نص رسالة أحمد رفعت كالتالى :-
"انا بعتذر فقط للناس اللي يهمها امر النادي ده احنا عارفين انو كان وقت سئ علي النادي و علشان كنا جزء منه فلازم نعتذر. انا مش مدايق ولا هتدايق من اي حد بيشتم علشان انا بعمل كده مع نفسي في اوقات كتيره من السنه دي و الاسباب كانت كتيره لظهورنا بشكل سئ مش عارفين حتي نحددها. الي عايز اقولو انه احنا داخلين علي موسم جديد و بيكون صعب انك تلعب كويس من غير دعم جمهورك. و بتصعب الفوز علي لعيبتك لو مبتتدعمهومش. انا عادتا مبحبش اعمل اي حاجه فيها استعطاف للجمهور و مش هعمل بعد كده لكن كان لازم اعتذار في الوقت ده"
اعتذار أحمد رفعت لجماهير الزمالك
عدد الردود 0
بواسطة:
محمد
انتوا كفايه عليكوا كده
ومتشكرين ليكوا عملتوا اللى عليكم وزياده الزمالك محتاج لاعيبه صغيره من اولاد الزمالك مش شوية موظفين انا اقولك السبب الاخ باسم مرسى نسى نفسه وعمل فيها كابتن مع انى انا لا ارضى العبه مع مركز شباب ارجوكوا كفايه عليكوا الفلوس اللى عملتوها من ورا النادى وسيبوا مكان للعيبة تقدر النادى وتقدر الجمهور اللى اتخرق دمه ياشوية موظفين لا لعب ولاثقافه ولا احترام ارجوا النشر انا لا شتمت زى ما الكابتن متوقع ولا اى حاجه قدروا حرقة دم الجمهور والعيب مش عليكوا العيب على ادارة النادى الكبير اللى مبقاش كبير
عدد الردود 0
بواسطة:
ياس حسين
احمد رفعت يعتزر لجماهير الزمالك
ارجوا من كابتن احمد الالتزام فی الملعب وكفايه اعتراض عل قرارات الحكم ويسيبه من الانستجرام والكلام الفاضی ده وشغل السوشيال مديا الی بيودی فی داهيه وبلاش الشغل اللی بيعمله باسم مرسی بلاش تكرر الغلط تانی .. انت كنت سئ امبارح فی الاداء واسؤ فی الاعتراض مع انك كنت امبارح راكن فی الاوفسيد طول الماتش .. انت لاعب يشار له بالمستقبل الجيد ان شاء الله ومحظوظ بالقبول الفطری من الجماهير ولازم تحافظ عل ده..تحياتی