طلب مجلس إدارة نادى الزمالك من اتحاد الكرة زيادة عدد اللاعبين السوريين المسموح لكل نادٍ بالتعاقد معهم خلال الموسم الكروى الجديد.
وقرر اتحاد الكرة، فى وقت سابق، وضع بند يتيح لكل نادٍ قيد لاعبين من سوريا يعاملان كلاعبين مصريين وليس أجانب.
وطلب الزمالك من اتحاد الكرة السماح لكل ناد بالتعاقد مع 3 سوريين وليس اثنين فقط، أو جعل العدد مفتوحاً دون تحديده.
وتعاقد الزمالك، حتى الآن، مع ثنائى سورى بشكل رسمى هما مؤيد العجان وعلاء الشبلى وهناك سورى ثالث سيتم التعاقد معه هو خالد المبيض، والثلاثى يلعبون ضمن صفوف المنتخب السورى.
ومن المنتظر أن يحسم اتحاد الكرة قراره النهائى بخصوص عدد اللاعبين السوريين خلال اجتماع مع الأندية بعد غد الاثنين.
عدد الردود 0
بواسطة:
نورهان
واين يلعبوا اللاعبين المصريين فى اسرائيل
خلى عندكم دم هو الشعب المصرى ناقص تجروا وراء قطع رزق اللاعيبه المصريين واين انتم من المنتخب الوطنى حسبى الله ونعم الوكيل فى ياتحاد الكرة انتم خلاص اتجنتوا
عدد الردود 0
بواسطة:
احمد عبد الرازق
كفاية تدمير للاعيبة المصريين
يعنى فريق 11 لاعب مكون من 3 أفارقة + 2 سوريين يعنى يبقى 6 لاعيبة مصريين فى الفريق ومش عجبكم كمان ! حرام وكفاية تدمير للعبة والمنتخب
عدد الردود 0
بواسطة:
محمد الفيومى
هبله و مسكوها طبله
مافيش حاجه اسمها الزمالك عايز ... فيه حاجه اسمها مرتضى عايز ... أى كلام فى أى بطيخ أقرع شبه كلامه ... لو الأهلى طلب اى طلب .. تهيج الدنيا و لو الأاهلى سكت يقولوا عايز و لو اتكلم يكون الرد عشان مصلحته ... حاجه تئرف و الله العظيم خمسه أفارقه و تلاته سوريين و اتنين من فلسطين و مدرب من صربيا و مساعد من بولاندا و مدرب احمال من اسرائيل و أخصائى تغذيه من كوريا و محلل أداء من اليابان و فوقهم واحد أهبل بيحط القائمه و التشكيل و الحكام و الجمهور كل حاجه هو اللى بيعملها يختار و يفصل و يلبس و يلبس الزمالك السواد و مصر تدفع بالعمله الصعبه و اللعيبه المصريين اللى يطلب حقه الرد ما فيش حقوق و حأوديك النيابه ... هذا سفه يا دوله .. كفايه إهدار للمال العام و بذل كل جهودنا فى الكلام عن هذا المريض الأهطل الأهبل أبو حصانه مضروبه ... إمته يخلص مجلس الدواب المصرى و نشوفك بتجعر خلف القضبان يا مقهور ... يا مهزوووووووووم يا مريض!!!!!!
عدد الردود 0
بواسطة:
على سالم
الى نورهان: اللعيبة اللى فى مصر كلها مضت للزمالك لذلك لجأنا للمستورد واو عندك ابعتيهم الاهلى
كده كده هو مش لاقى لاعيبة لا محلى ولا مستورد.... وبعدين ما احنا كمان بنصدر وايه المانع نستورد ___ متؤولهم يا كابتن عبد الناصر على ترعة الزمبولى وقصة الاعب المتميز (رجب ......) اللى نفسه يوقع للأهلى. والى جميع الاهلاوية اللذاذ متغطوش على فشلكم فى تعويض كل من 1-ايفونا.__________2-كوليبالى.______________3-احمد حجازى._____________4-كابتن الفريق (حسام غالى).________________5-تريزيجيه.______________6-عمرو جمال.__________7-رمضان صبحى. وقريبا عبدالله السعيد لسه جاى ليه عرض كل المراكز دى الاهلى لم يستطع توفير البديل المناسب لها ناهيك عن احمد الشيخ اللى رميتوا الموسم اللى فات للمقاصة ببلاش وفضلت مقضى الموسم كله بدون مهاجم ومعتمد على راسيات مدافعيك....... ونسيت اقولكم مبروك عليكم كأس مصر وتجديد الثقة فى المدرب العملاق حسام البدرى .. على ان نلتقى 2027 بمشيئة الله تعالى
عدد الردود 0
بواسطة:
زكي احمد
رئيس نادي فاشل
لتعرفوا مدي فشل مرتضي منصور يريد ان يجعل السوريين ٣ بدلا من ٢ يعني من قله اللاعبيين المصريين عاوز يحضر مزيد من السوريين ولا يمكن عاوز يفتح مطعم سوري في نادي الزمالك والله انت فاشل فاشل فاشل
عدد الردود 0
بواسطة:
مجدى المصرى
نادى الزمالك السورى للالعاب الرياضية
و يبقى اسمه نادى الزمالك المصرى السورىج
عدد الردود 0
بواسطة:
Dr.zzz
المسابقات الإفريقيه للمنتخب المصري هي الهدف الأساسي من إقامة الدوري و الكأس المصري
المسابقات الإفريقيه للمنتخب المصري هي الهدف الأساسي من إقامة الدوري و الكأس المصري لصقل اللاعبين و تنميتهم لكن زيادة أعداد الأجانب ليست في صالح المنتخب القومي المصري . يمكن عمل فريق كره سوري يشارك في الدوري و الكأس المصري
عدد الردود 0
بواسطة:
Dr.zzz
يمكن عمل فريق كره سوري يشارك في الدوري و الكأس المصري
المسابقات الإفريقيه للمنتخب المصري هي الهدف الأساسي من إقامة الدوري و الكأس المصري لصقل اللاعبين و تنميتهم لكن زيادة أعداد الأجانب ليست في صالح المنتخب القومي المصري . يمكن عمل فريق كره سوري يشارك في الدوري و الكأس المصري