قال المهندس خالد عطية، رئيس شركة تكنولوجيا معلومات النقل التابعة لهيئة السكة الحديد "ترانس اى تى"، إن السوق السوداء لبيع تذاكر القطارات انتهت بلا رجعة، نتيجة الإجراءات الحاسمة، مستطردًا: "على جثتى لو السوق دى رجعت تانى".
وأضاف "عطية"، فى تصريحاتٍ لـ"اليوم السابع": "بندرس تعديل برنامج الحجز الحالى، بحيث يسمح السيستم بطباعة الرقم القومى للراكب على ظهر التذكرة"، لافتا إلى أن هذا التعديل سيمنع السوق السوداء لبيع التذاكر تمامًا.
وأكد رئيس "تكنولوجيا معلومات النقل"، أن الشركة بدأت فى اتخاذ عدد من الإجراءات، والبرامج التى تستهدف راحة الركاب، والتيسير عليهم، أبرزها نظام حجز تذاكر القطارات المكيفة عبر الإنترنت، من خلال الموقع الإلكترونى لهيئة سكك حديد مصر.
عدد الردود 0
بواسطة:
الشرقاوي
المواطنين المخلصين
تحيه لهذا الرجل ولكل إنسان مخلص في مصر
عدد الردود 0
بواسطة:
ISMAIL
موظف شباك الحجز
المشكله فى العاملين على شباك الحجز ندفع اكراميه تلاقى تذكره مافيش اكراميه مافيش تذاكر راقب الموظفيين
عدد الردود 0
بواسطة:
sayed ramadan
أين الرقابة أصلاً
تعالى شوف التذاكر في مدينة إدفو بتتباع فين وورينا جثث حضراتكم كلها علشان كلها سوق سوداء
عدد الردود 0
بواسطة:
نوال الزغبى
ياسلام.....
...معلمه من غير معلمه....كفايه همبكه يالافندى... اليوق السوده مجوده قدام عنيك يافالح....
عدد الردود 0
بواسطة:
نور
مش قوي كده
لان اباطرة السوق السودا اقدم منكم في الكار والخبره تفرق . طالما موظف الشباك مش مظبوط كله في الهجايص يامسكين . روح ونام واتغطي كويس ؟
عدد الردود 0
بواسطة:
د عبدالباسط
كانه اختراع
كل ادول حتى اللى كانت خلفنا بالاف السنين طبقت انظمه الحجز الاكترونى ونجحوا فى التطبيق ياريت نتعلم منهم ومش عيب ولكن العيب تاخرنا وعدم انتقاء النظام القوى المناسب
عدد الردود 0
بواسطة:
الصعيدي الحر
الكمسريه
حضرتك تقول ايه في الكمسريه اللي قاعدين في المحطات يقطعو تذاكر للداخل المحطه مش المفروض دول مكانهم جوه القطر للي راكب من غير تذكره اما المحطات فتذاكرها من الشباك ده اللي احنا عارفينه علي محطة سوهاج اتكلم
عدد الردود 0
بواسطة:
مواطن من شعب مصر
الصعيدى الحر
اؤيد كلام الاستاذ الصعيدى الحر وااعلمه انه مش فى الصعيد وبس ولكن فى كل المحطات التى ركبت منها / ولما تقوله هاقطع من جوه تلاقى عساكر وامناء المحطه يتجمعوا عليك اهو برضه بيسترزقوا كبايه شاى ولا ساندوتشين وهو كله عجله ودايره لا حل الا الغاء الشباك اصلا وجعل كل التذاكر من الداخل وعموله على التذاكر مثل مبيعات السلع تروح الشباك يقولك مافيش عشان يباصى الزبون للكومسرى ياخد التحويطه بس الكمسرى ناصح عنه بياخد اتنين جنيه فى مشوار من القاهره لاسكندريه الل هم اكتر من التحويطه الل هى نص جنيه واشرب بقى يا شعب وفى الاخر يقولك هم بيخسروا ليه ؟؟؟
عدد الردود 0
بواسطة:
جعفر المصرى
الكلام حلو لكن التنفيذ صعب
النوضوع صعب ومحتاج تنظيم فعلاً ، لسه بالامس اعرف شخص سئل فى رمسيس ولم يجد تذاكر ، خرج بره وجاب 3 تذاكر ، المبلغ مضاعف طبعاً ولكن المهم انه لقى تذاكر بره ولم يجدها فى الشباك المختص ، يوجد عصابه فى رمسيس ، وفى كل محطه ايضاً