السيسى : الإرهاب والزيادة السكانية أكبر خطرين يواجهان مصر فى تاريخها

حذر الرئيس عبد الفتاح السيسى، من خطورة الزيادة السكانية على تحقيق اقتصاد قوى، قائلا: "الزيادة السكانية تحدى كبير وأكبر خطرين يواجهان مصر فى تاريخها الإرهاب والزيادة السكنية وهذا التحدى يقلل فرص مصر فى الطلوع إلى الأمام".

وقال الرئيس السيسى فى تعليق له خلال جلسة رؤية مصر 2030 ردا على شكاوى المواطنين المتعلقة بمعاناتهم من قلة الدخل مقارنة بعدد الأبناء: "انتبه لأنك مسئول أمام الله قبل الوطن وأولادك عن الأولاد اللى هتجيبهم.. ويا ترى قدراتك المالية تتيح لك انك تنفق عليهم انفاق مناسب أما لا .. ولو قلت لا يبقى بتظلمهم وهتتحاسب".

وأكد الرئيس السيسى، أنه يتحدث عن قضية خطورة الزيادة السكانية من منظور دينى، قائلا: "أنا بتكلم من منظور دينى انت بضيع اولادك لأنك مش قادر تنفق عليهم وتجيبهم وتقول هيجوا برزقهم لا".

وتابع: "ربنا بيقول ننظم قدرتنا وإنجابنا على حسب قدراتنا أمر فى منتهى الاهمية.. والدولة لازم ترعى ابنائك لأنهم أولادنا كلنا بس انت شارك معايا واحنا عايزين نقفز، والمرة دى بتكلم بصوت اكبر ولو عايز توفر موارد ووظائف للشباب ومنظومة صحية مميزة لازم تظبط النمو السكانى".