بنت حارس عقار بسيط
لا جاه ولا مال ولا قراريط
ولا بينه وبين ربه وسيط
لكنه عفيف النفس وكبير المقام
صابر وراضى عايش فى سلام
عنده قيم ومبادئ وثوابت
والنبتة أصابت ما خابت
والنبتة بمليون راجل
فى الشدة ولا ليها أماثل
فى المحن صامدة وتناضل
واللى يقول غير كده جاهل
الظروف كانت عليها صعبة
والحياة ما كانت لعبة
صبرت واتحدت
لا كلت ولا حتى ملت
لا فرق معاها المظاهر
لكن حلمها واضح وظاهر
نموذج جميل ومشرف
لبناتنا وبلدنا يشرف
اضحكى وافرحي
العبى وامرحى
وافتخرى بأمك وأبوكى
رفعتى راسهم عرفوا يربوكي
طريقك كان مليان سدود
ولا كان مفروش بورود
لكن كنتى رمز للصمود
وحلمك بقى حقيقة
وعدى الحدود
وبالإصرار والعزيمة
وقلوب بريئة صافية ورحيمة
وبالأدب والأخلاق
بعقول راقية من غير نفاق
أصبحت رمز نشيله على الاعناق
البيت الصغير ممكن يبقى قصر
بالحب والرضا هما السر
شكرا ليكى دكتورة مريم
شكراً ليك يا عم سعيد
انا مبسوط بيكم وسعيد
رسموا الامل لينا من جديد
دخلوا الفرحة فى حياتنا
وفى كل زوايا قلوبنا
تستحقى منا مليون تحية
يا فخر البنات المصرية
عدد الردود 0
بواسطة:
**
اشمعني يعني
في زيها كتير علي مر السنين لا احد يعرف عنهم شيء . الاوفر واخد حقة
عدد الردود 0
بواسطة:
نشأت رشدي منصور - من:: تايلاند
الي العزيز وائل عبد الودود
من تايلاند اكتب. لك. لكي. اعبر. عن. مقدار. اعجابي. بكلماتك. التي. تبني. وتعبيراتك التي. تهز. الوجدان وتنير الظلام. وأقول. لاشمعني. هذا هو حال الدنيا. ومصر. وأي. بلد. في. العالم بها. جنود ومفكرين ردمتهم. الأتربة ولكن. عند. ربهم. مقدرين. يا. اشمعني. اسمعنا. الانسان. عموما. والمرأة خصوصا. في حاجة. لمن. يشعرها. بنحوه. لا. للذي. يجري. من. وراءها. بسكين. أو. يلق. بها. وأولادها. للمجهول. يا. اشمعني. أني. احترمك. جدا. ولكن. لا احترم. كلامك لانه. بعد عن. المعني. .. يا. اشمعني. كل. بناتنا. حلوين. من : تايلاند رحلة قصيرة . وتحياتي. لك أستاذ وائل ..
عدد الردود 0
بواسطة:
وائل عبد الودود
استاذنا الجميل نشأت رشدي
أشكرك على كلاماتك الجميلة وعموما اجدع واحلى بنات وستات في الدنيا هما المصريين ترجع بالسلامة ان شاء الله وتحياتي ممزوجة بعطر الود والمحبة