البنك الأهلى: إلغاء قيود تحويل النقد الأجنبى يزيد حركة الأموال والاستثمار

عدد الردود 0

والله العظيم أنا أؤيد هذا القرار مليون في المائة

من المعروف اقتصاديا ان رأس المال جبان. هذه ألف باء الاقتصاد والتجارة. ولا يمكن ان نتوقع مجيء المستثمرين وهم في حالة عدم تأكد من إمكانية دخول وخروج أموالهم بكل يسر وبساطة كما هم معتادون في بلادهم او في الشرق الاقصى او اي مكان يحترم اصول وقواعد اللعبة. أما بالنسبة للتخوف من خروج ما تبقى من عملات المصريين ومدخراتهم فهذه حجة واهية جدا وتضحكني جدا عندما اسمعها - وللأسف - من اقتصاديين محترفين!! لماذا؟ لسببين، أولا في الشهور التي تلت الثورة، أخرج بالفعل القطط السمان ملياراتهم وهي الكتلة الاكبر من العملة الصعبة التي كانت مودعة ببنوكنا المصرية، ولم يتبق إلا الغلابة ممن هم مثلي ومثلك، منهم من يمتلك مائتي ألف هي تحويشة عمره ومنهم ثلاثمائة - ارقام بسيطة بالنسبة للمليارات التي خرجت بالفعل. ثم أن سلوك هذا النوع من المدخر سلوك بطيء. هذا رجل او سيدة او أسرة لا تمتلك من حطام الدنيا الا هذا المبلغ التي تعتبره هي كبيرا وتحويشة عمر وقرشا ابيض ينفع في يوم غير ابيض.. إلخ. وهذا العميل لن يغامر بإخراج هذه الاموال ولو اخرجها، طيب حيوديها فين يا حسرة؟ هو عارف ياخد فيزا انجولا اساسا؟ وثاني هذه الاعتبارات ان ابناءنا بالخارج في هذه الحالة لن يخافوا من تحويل فلوسهم بالخليج الى مصر لأنهم سيعرفون أنه من الممكن استرجاعها في ثانية واحدة وبدون مشاكل.. لأ.. خطوة موفقة وأنا مش مع المتخوفين.. طيب والله العظيم، حتجيب فلوس وبكرة تشوفوا. ما تعملوش زي واحد سرقوا منه التوكتوك بتاعه ومابقاش معاه إلا عشرتلاف جنيه قام قفل عليهم واتعقد وقعد يعيط عالتوكتوك. لأ.. المفروض يروح يحط العشرة في توكتوك جديد ويستلف عليهم م البنك ويرجع يشتغل تاني ويعوض ومن بكرة. أعذروني على التشبيه البلدي شوية انما انا راجل في السوق بقالي 25 عاما وباتكلم كدة، إنما مخي شغال.. إنشر ياعم والاجر على الله عشان الناس تفهم وتبطل فتي.. أي حد بيفتي اليومين دول.. أوكازيون فتي!

عدد الردود 0

الاخ جمعة رقم واحد: كلامك كله صح

نعذرك ايه يا عمنا دة انت كلامك مية مية وفاهم الموضوع من غير تقعر وفنظزية زي العالم اللي بتطلع في التلفزيون تقعد تقول مصطلحات تخينة وفي الآخر ما يقولوش اي حاجة مفيدة. مصطلحات وكلام مجعلص وخلاص. انما انا بس عايز اضيف، بنفس اللغة البسيطة والمؤثرة في نفس الوقت بتاعتك يا حاج سيد، عايز بس اقول للحكومة اثبتوا عالسياسة دي كتير بقى مش كل يوم والتاني قرارات ضد بعضها. يعني تجيلي بعد شهر شهرين تلغي القرار وترجع سقف السحب تاني يبقى بصراحة ما فيش حد برة حيصدقك.. استمر يا عم وربنا معاك. هو حد يكره يشوف الفلوس ترجع تاني تعمر مصر؟؟؟ ياريت والله من بكرة نشوف مشاريع هنا وهناك وناس تلاقي شغل والاسعار ترخص والسلع تتوفر والسياحة والدنيا والحال يتعدل شويتين. عموما مية مية وشكرا يا استاذ سيد جمعة رقم واحد ودة ان دل على شيء فبيدل على ان اهل مصر كلهم مفهومية والراجل العادي مخه يوزن بلد..

عدد الردود 0

لا انا ضد القرار دة

خلينا ماشيين جنب الحيط يا سيد يا جمعة وبطل انت فتاوي واحكام. المثل بيقول لك القرش الابيض ينفع في اليوم الاسود.. خربتوا البلد الله يخرببيوتكو

عدد الردود 0

سيرفع العملات الرئيسيه كالدولار واليورو بالسوق الموازيه.لان البنوك تشتريهم ولا تبيعهم

..مشمش //.... لماذا لا تبيع لك البوك مثلا ٥٠٠٠ دولار وانت مسافر للخارج..!!؟؟