بالصور.. مرض التوحد ينهش طفولة عمار ابن الشرقية.. ووالدته تحلم بعلاجه

"صعب على أى أم تشوف ضناها بيضيع قصاد عنيها وهى مش قادرة تعمل حاجة.. ابني ربنا ابتلانى فيه بمرض التوحد، وظروفنا مش مساعدانا على علاجه".. بهذه الكلمات بدأت "هناء عاطف" 26 عامًا، من مدينة فاقوس بمحافظة الشرقية، تروى مأساتها لـ"اليوم السابع".

وتقول هناء إنها متزوجة سائق ورزقهما الله بطفلين، أحدهما طبيعيًا، ويدرس فى الصف الثالث الابتدائى، والآخر مريض بالتوحد؛ "عمار عنده 5 سنوات، وعرفنا حكاية تعبه بالصدفة من 3 سنوات، وقتها لا كان بيتكلم ولا حتى بيلعب زى الأطفال اللى فى سنه، ودلوقتى بقى عنده حركة زائدة، ومن وقتها وإحنا كعب داير على أبواب الدكاترة على أمل نلاقى حل".

وأضافت الأم المكلومة: "آخر دكتور قال لنا إن عمار مريض بالتوحد، وحولنا على مستشفى فى المقطم، والله روحنا هناك يوم واحد بس يا أستاذة من سنة ورجعنا أول ما عرفنا الأسعار اللى كانت ألفين و500 جنيه".

وتابعت: "إحنا ربنا وحده اللى عالم بينا، ولا حتى نحتكم على ربع جنيه زيادة عن مصروف البيت.. جوزى سواق على باب الله وفين وفين على ما بيلاقى شغل.. نفسى صوتنا يوصل لأهل الخير ويساعدونا نعالج عمار ونلاقى سكن جنب المستشفى علشان علاج ابنى محتاج يروح المستشفى 5 ساعات كل يوم".

للتواصل مع الحالة على رقم 01202999276

الطفل المصاب بالتواحد بالشرقية

الطفل عمار المصاب بالتواحد

الطفل عمار المصاب بالتواحد بالشرقية