مشهد قد يكون عجيب فى بعض الدول ولكن فى مصر أصبح الأمر عادياً، ففى إحدى قرى القليوبية وتحديداً فى شبين القناطر يجلس حليم ميخائيل على مائدة الرحمن، ليفطر الصائمين..
مشهد لم يره الكثيرون رجل قبطى يفطر مع المسلمين وربما يظن البعض أن الأمر بالغ الغرابة عندما يعلموا أن المائدة يقيمها المعلم حليم، كما يناديه أهالى منطقته كل عام ليُفطر أخوانه المسلمين ويُفطر معهم.
"اللى مش شايف إن فيه وحدة وطنية يجى يفطر معانا" عبارة كانت لسان حال كل الموجودين حول حليم ميخائيل أثناء إفطاره، فالمسلمون حوله أكثر من الأقباط، وحالة من الحب والسلام والأُلفة تسود بين الجميع، ولافتة كبيرة تدعو المسلمين كتب عليها، "المعلم حليم ميخائيل يهنئ المصريين بحلول شهر رمضان الكريم.. وكل عام وأنتم طيبين".
أقام حليم ميخائيل سرادقا كبيرا بمنطقة سيارات "سكة التل" بشبين القناطر في محافظة القليوبية ليجهز طعام الإفطار في أيام رمضان داخل مائدة الرحمن التى يقيمها على نفقته الخاصة لإفطار المسلمين طيلة الشهر الكريم.
يقول حليم إنه اعتاد إقامة المائدة منذ حوالى ثلاث سنوات، مؤكدا أن فعل الخير لا يفرق بين مسلم ومسيحي في النهاية هو خير يفعل من أجل الله وهو ما يقوى العلاقة بين المسلمين والأقباط، وهو الأمر الذى ينفى أى وجود لفتن طائفية أو أى شيء يردده أعداء مصر.
يؤكد ميخائيل أن المائدة تقابل بحب وسلام لكل الناس "ومهما يعملوا مش هايقدروا يفرقوا بين مسيحى ومسلم.. وإحنا بلد واحد.. واللى مش مصدق يجى يفطر معنا يشوف الحب اللى مابينا".
يقول أحمد محمد أحد أصدقاء حليم: "أنا كمسلم أقف كل عام معه لإقامة المائدة، وأنا سايب بيتى عشان أفطر معاه، مفيش فرق بين حليم وأحمد ومحمد، واللى عايز يتفرج على الفتنة الطائفية يجى يقعد معنا كل الموجودين أقباط بيخدموا المسلمين.
وقال محمد رجب محمد أن المعلم حليم ربنا يبارك فيه بيعمل المائدة كل سنة فى رمضان، غير الخير اللى بيعمله ومفيش فرق بينا فى أفراحنا وأحزانا كلنا واحد وهو نوع من التآلف، وأكبر دليل على الوحدة الوطنية الحب اللى إحنا فيه عشان لو فيه كره بين المسلمين والمسيحيين ماكنتش هاتلاقى واحد مسلم بيفطر على مائدة واحد مسيحى.. إحنا اتربينا على كدة الدين لله والوطن للجميع".
تم أضافة تعليقك سوف يظهر بعد المراجعة