محمد عبد الله طاهر يكتب : رحلة

الأحد، 21 مايو 2017 08:00 م

ليل

زعلان من الدنيا خالص و من ناسها فرد فرد

حاسبينى كأنى ميت وأنا لسه فيا نبض

مش لاقى نفسى وروحى و طموحى بدور عليها

بإيدى بداوى فى جروحى وهى شايلة إيديها

سافرت معاها رحلة بين الضلام والنور

العيشة فيها أحلى بس الطموح مكسور

طال الليل فى عينى نسانى شكل النهار

من الضلمة آه يا ويلى سقيانى ايدها المرار

تعبت خلاص يا ليلى و القلب فى انكسار

حاسس كأنى خيل وهينضرب بالنار