اعتذر محمود عبد الرازق شيكابالا صانع ألعاب نادي الزمالك، لجماهير القلعة البيضاء عن خسارة الفريق لثلاث مباريات متتالية بمسابقة الدورى الممتاز بعد السقوط أمام الشرقية مساء الأربعاء بالأسبوع الـ 21 للدورى .
قال شيكابالا فى تصريحات تليفزيونية: "الزمالك لا يتدرب منذ شهر ونصف تقريبا وأخطرنا مجلس الإدارة برئاسة مرتضى منصور بهذه الأمور خلال جلسته مع اللاعبين" ، مضيفا: "لاعبى الزمالك ينزلوا أرض الملعب دون أن يعرفوا ما المطلوب منهم فى المباريات السابقة والجميع يؤدى بشكل فردى ولا توجد خطة محددة داخل الملعب".
وأضاف شيكابالا أن هناك لاعبين شاركوا فى مباريات الزمالك الأخيرة رغم الدلع فى التدريبات و الغياب، موضحاً أن ما يحدث أمر طبيعى مع كافة الظروف التى مرت على الفريق خلال الفترة الماضية، موضحاً أنه يجب مشاركة من يلتزم فى التدريبات فقط .
وألمح شيكابالا إلى تعرضه لظلم شديد خلال فترة تولى محمد حلمى المسئولية الفنية قائلاً : "رودريجو كان يقوله شيكا جاهز وهو يقوله لا مش جاهز" وأضاف : "أنا بقالى كتير مش بلعب لو أنا مش بتمرن كويس مكنتش هبقى كويس فى ماتش الشرقية" .
وأكد شيكابالا أن الفترة الماضية شهدت ظهور الزمالك بشكل غير جيد مؤكدا أن الفريق يمتلك لاعبين مميزين لكن الأداء سيء ولا يجوز أن نسجل 25 هدف فقط فى الموسم .
ووجه رسالة لكافة لاعبى الزمالك قائلاً : "اللى مش قادر يلبس قميص الزمالك يقول أنا مش قادر وأى حد يلعب حتى لو هنلعب بالناشئين" .
عدد الردود 0
بواسطة:
احمد بيه
الكلام جه كبير
كلام جرئ منك يا شيكا والكلام ده لو صح فين البهوات بتوع مجلس الادارة ةفين مدير الكورة وازاي علي كده يستمر خالد جلال طالما كان موجود في الفرح ده
عدد الردود 0
بواسطة:
محمد يحي
جاب من الاخر
طبعا كلام صحيح و الدليل ان اكثر من لاعب تحس وزنه زائد او حركته بطيئة .. و كل ده بسبب فقدان التركيز بعد ما أعلن مجلس الادارة الموقر قرار الانسحاب .. اللاعبين استسلموا و بيدلعوا فى التمرين لأنهم اعتقدوا ان البطولة انتهت يبقى يتعب نفسه ليه فى التمرين و ده خطأ إدارى فادح و هو السبب فى النتائج المتردية للفريق بعد ما أفقده الروح و التركيز
عدد الردود 0
بواسطة:
مش مهم
عيال ومش رجاله
لا رجوله ولا نخوه .. اضعتم كل مدربى الزمالك يا فشله .. بعد كل هؤولاء المدربون .. المطلوب هو تغييركم انتم وليس المدرب .. اخص عليكم .. وعلى اللى رجعكم النادى تانى
عدد الردود 0
بواسطة:
اهبلاوى
كلامك صح ياشيكا مصطفى فتحى كان بيدلع ومع ذلك خرج احمد رفعت الافضل وتركه محمد صلاح !!
هو التشكيل يتم اختياره بالكوسة ولا ايه فاى مدرب مبدئ مش ها يغلط مثل محمد حلمى ومحمد صلاح فالمفروض وجود خط وسط قوى دفاعيا ليعطلى الحرية للمهاجمين اصحاب المهارات من التقدم بسهولة ولا يمكت ان يبدأ المبارة بايمن حفتى ومصطفى فتحى معا مما يترك خلل دفاعى واتمنى ان يكون وسط الملعب من 3 وسط مدافع طارق حامد ودونجا واحمد توفيق ابراهيم صلاح وفى الامام شيكا واحمد رفعت وباسم مرسى وفى الشوط الثان ينزل ايمن حفنى واستانلى و باولو وبلاش يلعب جنش !!
عدد الردود 0
بواسطة:
المقهور
اذا عرف السبب !!!
حالة البلبلة والتهديدات وعدم الاستقرار والبيئة الحرجة التى خلقها مرتضى للاعبين والمدربين جعل كل لاعب وكل مدرب يلعب بدون اهتمام لانه عارف انه ماشى ماشى .. اللى جابوا الدورى مشيوا ، واللى جابوا الكأس مشيوا ، ويبقى النجم الأوحد صاحب الإنجازات والخسائر والتردى مرتضى
عدد الردود 0
بواسطة:
amr
طبعا طبعا طبعا
يا ساده ،لما في مستشار عامل مشاكل مع طوب الارض وخلي الحكام مش طايقين حاجه اسمها زمالك ، ولما في مستشار طول النها يسب اللاعبين بالاب والام علنا ، ولما في مستشار كل 5 دقائق يغير مدرب ، ولما يكون واحد كل حياته مؤامرات وغش وتزوير وبلطجه ،يبقي بالذمه نادي ايه ولعب ايه وبطولات ايه اللي بتتكلموا عليها؟؟؟؟؟؟؟ من الاخر لا صلاح لنادي الزمالك الا بعد ازاحه هذا المستشار ولا حل آخر