قال الرئيس عبد الفتاح السيسى، ردًا على سؤال حول أزمة "فتاتى البرجر": "الكلام ده لوزير الداخلية.. ماهو انتو اللى مسكتوا البنتين مش كدة؟".
وتابع الرئيس، خلال مشاركته بفعاليات اليوم الثانى، من المؤتمر الدورى الثالث للشباب بالإسماعيلية بجلسة "اسأل الرئيس": "كنت شايف إن الإجراء ده رغم إنه إجراء قانونى، كنت شايف إنه هو كان ممكن ما يتعملش بالطريقة دى، الراجل ملوش دعوة، واخد الحاجة وبيحطها فى العربية، البنات كانوا شاطرين جدًا ومصورينكم والتانى ملوش دعوة"، مردفاً: "هى البنت قالتله.. خلاص ظبطتوا كل حاجة وجايين علينا يعنى".
وأوضح السيسي، أن فكرة المنافذ المتحركة كان الهدف منها إنشاء شركة على مستوى مصر تمنح فرص للشباب أن يتواجدوا بعربية، وهى طريقة من الطرق لجعل السلع تتحرك وتتوزع وتصل من الدولة أو وزارة التموين أو القوات المسلحة ووزارة الداخلية وتذهب لكل أنحاء مصر بشكل جيد.
السيسي عن إزالة عربة فتاتى البرجر: كانو شاطرين... by youm7
عدد الردود 0
بواسطة:
حمدي نوفل
الصالح العام
اي راي نكتبه لوجه الله تعالي وللصالح حسب مانري
عدد الردود 0
بواسطة:
عادل محفوظ
تحيامصر
الله علي يا ريس ربنا يحميك لمصربنحبك ياسيسي وتحيامصر
عدد الردود 0
بواسطة:
محروس كامل
"هى البنت قالتله.. خلاص ظبطتوا كل حاجة وجايين علينا يعنى؟ "
على رأى البنت اللى قالتله " خلاص ظبطتوا كل حاجة؟ " الباشا وزير الداخلية عنده بلاغين رسميين متقدمين عن اختفاء قاصرات واحدة من قنا ومعروف مين اللى خاطفها ، والتانية متصورة وهى بتركب التاكسى اللى خطفها وصورة السائق ورقم السيارة واضح زى الشمس ، والبلاغين عدى عليهم اكثر من 3 اسابيع ، لكن يظهر ان "الشرطة" مالهاش مزاج تمشى فى بلاغات زى كدة ، اهم حاجة مطاردة عربيات البرجر
عدد الردود 0
بواسطة:
فارس
أنا أكيد اللى موش فاهم..!!!
هو قطعا كلام عظيم وجميل،.. بس انا موش فاهم منه حاجة!! يعنى اللى حصل مع البنتين دا حلو وللا وحش؟ صح وللا غلط؟؟ وزير الداخلية اللى قاعد بيضحك دا، بيضحك على إيه بالضبط؟؟!! ياجماعة حد يفهمنا هو فيه إيه؟؟ الله يفتح عليكم...