فيسبوك
واتساب
الشوارع فى مدينتى
خلت من كل لون
والبيوت لفها حزن وسكون
والعروسة لبست
توب الحداد
على الولاد
واتوشحت بالسواد
والكل واجم
والقلب مليان شجون
قالت ولادى
صرخت تنادى
وصرختها دوى صداها
فى الكون
قالت ركايبى ومينا وجون
قالت نجوى واسما ومريم
وايفون
ردوا عليها قالوا لها
إنهم أحياء عند ربهم
يرزقون
اختلطت دماهم
ضربت أروع مثال
إن إحنا واحد
لا فرّق بينا الدين
ولا المكان فين ما يكون
مسجد أو كنيسة
أفديك بدمى وحياتى
والروح عشانك تهون
وإن جيت تصلى
تلاقينى تملى
فى ضهرك أكون
عهد وقطعته
أمامك يا غالية
أحمى ولادك وأصون
