أرسل القارئ، محمد سالم، رسالة إلى خدمة "صحافة المواطن" اشتكى فيها من تعرض طفله، يوسف محمد سالم التلميذ بالصف الثالث الابتدائى، للشتم والضرب المبرح، من مدرسة اللغة الإنجليزية بمدرسة الشروق الخاصة بأرض اللواء فى محافظة الجيزة.
ووجه القارئ فى رسالته التى أرفق بها صورة لنجله بعد تعرضه للإهانة من معلمته، رسالة إلى وزير التربية والتعليم، للتدخل وإعادة الحق إلى نجله الذى تضررت حالته النفسية، بعد تعرضه للشتم المتواصل من مدرسته من دون أن يفعل شيئا.
وقال القارئ فى نص رسالته: "ابنى عنده 8 سنين طالب فى مدرسة خاصة اسمها الشروق الخاصة بأرض اللواء.. مدرسة الإنجليزى شتمته وقالت له يا زبالة وهى دايما بتشتم كل الطلبة والموضوع دا عندها عادى بكل الألفاظ مع العلم إننا اشتكيناها كتير وما فيش فايدة راح ابنى رد عليها وقالها أنا مش زبالة فانهالت عليه بضرب هستيرى على وشه بالأقلام وعلى قفاه ولما رحنا نقابل المدير ما رضيش يسمع إيه إللى حصل وقالنا كل مدرسة فيها الحلو والوحش ولما سألناه إيه الإجراء إللى هتاخده معاها قال دى مدرستى وأنا حر فيها ومش هاخد إجراءات أنا إللى أقول أعمل إيه وما أعملش إيه فلما طلبنا منه اسمها بالكامل علشان نتوجه للإدارة التعليمية قالنا اعملوا إللى تعملوا ورمى الشكوى فى وشنا وطردنا من المكتب مع إننا كنا بنتكلم معاه بكل احترام والصورة دى رسمها عشان يعبر عن حزنه من المدرسة وإللى بتعمله فيه".
شاركونا فى تحرير المواد الصحفية بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتسآب اليوم السابع" برقم 01280003799، أو عبر البريد الإلكترونى send@youm7.com، أو عبر رسائل "فيسبوك"، على أن تُنْشَر الأخبار المُصَوَّرَة والفيديوهات باسم القُرّاء.
رسمة الطفل يوسف محمد سالم
نص الرسالة
تم أضافة تعليقك سوف يظهر بعد المراجعة