قال هشام عرفات وزير النقل، إن مشكلات شركة مترو الأنفاق تتراكم بشكل خطير، مضيفًا: "لو ما اتصرفناش دلوقتى، هتبقى قنبلة هتنفجر، والمترو هيقف، هنجيب منين وميزانية الدولة فيها مشكلة، والخط الأول لو وقف البلد هتتشل، ولو تم إسناد إدارة شركة المترو لشركة قطاع خاص، التذكرة هتبقى بـ8 جنيه، وبالطبع الناس هترفض".
وأضاف هشام عرفات وزير النقل، فى كلمته خلال اجتماع لجنة النقل المنعقد الآن برئاسة اللواء سعيد طعيمة، بحضور وزير شئون مجلس النواب عمر مروان، ورئيس شركة إدارة وتشغيل المترو، لمناقشة سعر تذكرة مترو الأنفاق، فى حديثه للنواب: "أى وزير هييجى هيبقى مهتم يراضى الشعب، هل تشكو إن ألاقى لنفسى شعبية، لكن فيه حاجات هتقع يا جماعة وضميرى لا يتحمل".
وتابع الوزير فى كلمته: "أنا بقالى 3 أسابيع فى الوزارة وبقولكم الوضع أهو، أنا دلوقتى مُصير مش مُخير، اتقالى سيب مكتبك وسيب محاضراتك وسيب شغلك الخاص وتعالى هنا".
تم أضافة تعليقك سوف يظهر بعد المراجعة