أكد الدكتور أشرف حاتم، أمين المجلس الأعلى للجامعات، أنه من المقرر فتح باب التقدم للدبلومات المهنية بالتعليم المفتوح فى صورته الجديدة، خلال الأسبوع المقبل، مشيرًا إلى أن المجلس اعتمد أكثر من 40 دبلومة مهنية فى العديد من المجالات.
وأضاف حاتم، فى تصريح خاص لـ"اليوم السابع"، أن هناك جامعات تقدمت ببرامج فى التعليم من بعد "التعليم المدمج"، الذى سيحل محل التعليم المفتوح بشكله التقليدى خلال شهر أكتوبر المقبل، مشيرًا إلى أن عمليات التطوير مستمرة لحين الحصول على نظام تعليمى قادر على تحقيق أهداف التنمية ويُربط بسوق العمل.
عدد الردود 0
بواسطة:
محمد
الدبلومات الفنية و التعليم المفتوح ...و الاسم حاصل على مؤهل عالي و هو لا يجيد حتى القراءة و الكتابة
مجرد سبوبة
عدد الردود 0
بواسطة:
Mahmoud
إلى تعليق رقم 1
يا سيدي الفاضل مش كل خريجي التعليم المفتوح زي ما حضرتك قولت كده ، أنا واحد خريج تعليم مفتوح وجايب تقدير عالي بفضل الله وكله بمجهودي وبمذاكرتي واستقطعت من وقتي ومن فترات أجازاتي وكنت بسهر الليل علشان اذاكر واتعلم وربنا كرمني واتعلمت حاجات كتير مكنتش اتعلمتها في حياتي ، مش ذنبي إن قطر التعليم النظامي فاتني وإن عندي طموح أكون حاجه كويسه وانفع نفسي وانفع بلدي. انا مخلص وطالع بتقدير جيد جداً وكان فاضلي 1% واخد مرتبة الشرف وطالع الأول على دفعتي ، أنا ليا زمايل كتير اعرفهم في التعليم المفتوح نفسهم يعملوا دراسات عليا زي ما انا نفسي كمان اكمل دراسات عليا ، واحنا ناس نفسها تتعلم بجد وعندنا كامل الاستعداد اننا نتعلم ونستفاد ونفيد غيرنا ، ولو كانت سمحت ليا الفرصة اكمل تعليمي النظامي وفي المجال اللي انا بحبه وعايز اكمل فيه واكبر فيه مكنتش سبتها فملاقتش غير التعليم المفتوح ، احنا الجامعة مكانتش بتعملنا زيارات ميدانية زي طلبة انتظام وكنا احنا بنطلعها على حسابنا وبناخد من وقتنا وبنبذل مجهود بجانب مجهود الشغل والمسئوليات اللي ورانا علشان نتعلم علشان احنا حاببين كده فمتجيش حضرتك تقول مبيعرفوش يقرأوا ويكتبوا. أرجوا عدم التعميم لأن مش كل الناس زي بعضيها.
عدد الردود 0
بواسطة:
mohamed abdalllah
يعني ايه كلمة الدبلومات المهنية مش فهمها
يعني ايه كلمة الدبولومات يعني بعد الاسم حاصل علي بكالوريوس تجارة يبقي دبلوم ارجو الايضاح
عدد الردود 0
بواسطة:
ام مصرية
الي رقم 2
الي محمد رقم 2 انا فخورة ان في شباب مثلك ربنا يحقق لك طموحك و كل ما تريد ان تحققة انت و اللي زيك و استمر في تلقي العلم و ان شا الله تتفوق علي فكرة يا رقم 1 احسن ناس تكمل تعليم جامعي الشهادات الفنية لان عندة رغبة في التعليم و لم يكتفي بالدبلوم ربنا معاك
عدد الردود 0
بواسطة:
محمد
من غير ثانوية عامة مفيش تعليم جامعي .. يعني اللي مخدش ثانوية عامة متعلمش .. ح نضحك على بعض
مش ممكن اسوي بين اللي درس كيمياء و فيزيا و رياضيات و لغات و طلع عينه في المذاكرة و اتعلم كويس مهما كان درجاته بس المهم انه اتعلم .. مش ممكن اسوي بين الحاصل على ثانوية عامة مع اللي ما يعرفش حتى جدول الضرب و لا درس اي شئ .. ليه ما يكملش في تخصصه و يصبح فني في مجاله يعني كهربائي شاطر او سباك شاطر كدة يعني بدل ما يروح يشتري شهادة و في الاخر كله عايز يبقى جامعي
عدد الردود 0
بواسطة:
محمد
ايه لازمتها قرف و تعب الثانوية العامة .. نروح ناخد دبلوم في السريع و نكمل في التعليم المنفوخ
اي واحد مجربش أرف الثانوية العامة ميعرفش يعني ايه تعليم .. بدليل الميديا من أول السنة الدراسية مشغولة فقط بامتحانات الثانوية العامة و شكل الامتحان و ظروفه ووقته و الغش و الدروس الخصوصية و كل بيت فيه طالب ثانوية عامة عايش في حالة طوارئ .. مش تقولي دبلوم و تعليم مفشوخ و في الاخر اسمها شهادة جامعية تضاف للملايين من خريجي الجامعات .. هى ناقصة
عدد الردود 0
بواسطة:
محمود
الجيزة
تحياتي ل mahmoud لصاحب الرسالة رقم 2 والف مبروك علي البكالوريوس وبالنسبة بئا للأستاذ اللي مش حابب لاخوة الخير وبيقولك هو ليه مطلعش كهربائي شاطر.. أحب اقولك وانت لية مطلعتش انت سواق شاطر !! والتاني اللي بيقول مينفعش اساوي! اكيد لو كانت الظروف المحيطة بيه كانت تساعدو انه يكمل نظامي مكنش هيتردد لحظة (ابوة وأمه بيصرفو علية وبيدولو المصروف) ياريت متقللش من مجهود أي إنسان محدش يعرف ظروف الأخرين وياريت كلنا نسمع حديث النبي محمد صل الله عليه وسلم : لا يؤمن أحدكم حتى يحب لأخيه ما يحب لنفسه. صدق رسول الله صل الله عليه وسلم
عدد الردود 0
بواسطة:
حسام
طالب ثانوي تعليم مفتوح
طيب والي دخل ثانويه عامه وكان نفسو يبقي حاجه ومعرفش عشان الظروف ماسماحتش وقرر يدخل تعليم مفتوح مستخسرين فيه يحقق جزء من احلامو الحمد لله 4 ترمات وتقدير كلي جيد جداا وبمذاكرتو وتفكيرو بعد ربنا طبعا وتوفيقه متكسروش مقاديف الشباب الي عاوزه تكون حاجه ومتبقوش زي الي مش عاوز يشوف حد شاطر الا هوه خلو مصر تنضف شويه نظفو جواكم حوام عليكم
عدد الردود 0
بواسطة:
العبد الفقير الله الله
الحمد لله على كل حال
يااااااااا سلام _( يا جماعه انا _ اشرف من سوهاااااج عمري 20 سنه خريج ثانوى فنى 2014بدرج 61% ) هل يقبلونى فى التعليم المفتوح ب تجاره ؟؟؟؟؟؟؟؟؟؟؟ ارجو الافاده والله انا كان عندى طموحات كتير اتدمرت بسبب قلة تعليمى ولكن لظروفه خاصه وادعو الله عز وجل ان اقبل بالتعليم المفتوح او المقفول ههه واقدر اكمل تعليمى يااااارب ... ارجو الافاده احبابي وشكرا
عدد الردود 0
بواسطة:
nadia
tanta
انا من طنطا و عاوزه ادخل تربيه مفتوح و انا اخدت دبلوم صنايع و كنت الاول ع القسم بتاعي و بعدها مدخلتش كليه لظروف ما و دخلت معهد صناعي و تخرجت ب تقدير جيد جداً و كنت امتياز و الله بس الظروف و بحب التدريس جداً و بعطي دروس و نفسي اكمل ف تربيه انا خربجه دبلوم 2012 و اتخرجت من المعهد 2014 و ياريت لو حد يعرف يفيدني..