روى الطفل عبدالرحمن الشهير إعلاميا بـ"الراقص مع الكلاب"، قصة معاناته مع أسرته وزوجة أبيه التى وصلت به إلى السكن فى الشوارع، قائلا "أبويا اتجوز واحدة ثانية بعد ما أمى توفيت، ولكن مرات أبويا كانت وحشة، وبسببها أنا طلعت من البيت لأنها كل شويه تضرب فيا وفى أخواتى".
وأبدى "عبد الرحمن" فى لقاء بكاميرا برنامج "صباح أون"، مع الإعلامية أسماء يوسف، على قناة on live، حزنه من طاعة والده الشديدة لزوجته السيئة مع أبنائه، مضيفا "أبويا بيسمع كلامها وبيحبها قوى مش عارف ليه!، ومنذ اللحظة التى دخلت فيها بيتنا وهى تتشاجر مع زوجة عمى"، مؤكدا أنها كانت السبب فى نشوب خلافات ومشاكل بين أبيه وأعمامه.
واعترف الطفل عبدالرحمن "الراقص مع الكلاب"، أنه من ترك المنزل وليست زوجة أبيه من طردته، قائلا "أنا اللى سبت البيت وهى أصلا مش عايزانى فى البيت ومرة طردتنى من البيت"، لافتا إلى أنه وقت هروبه من المنزل كان فى الصف السادس الابتدائى منذ 3 سنوات، وأنه كان متميز فى دراسته ولكنه لم يعد يجيد شىء الآن فى التعليم.
وعن حبه للكلاب، قال "عبد الرحمن": "البيت أحسن بالنسبة لى من الشارع، ولكن أنا حبيت أقعد مع الكلاب لأنها كانت أحسن من مرات أبويا.. وأنا بحب الكلاب كأنهم أهلى وهما أحسن وبيدافعوا عن أصحابهم، وكل مرة اتخانق يدفعوا عنى ولا يتركونى".
وتابع: "أنا شغلى دلوقتى إنى أساعد فى ركن العربيات، وفى الليل بسهر مع الكلاب وأنا بقالى 3 سنين فى الشارع.. وشايف أنى اشتغل أحسن وأركن العربيات وأقعد أرسم".
ووجهت الإعلامية أسماء يوسف، الشكر لمؤسسة اليوم السابع على الاستجابة بشكل كبير للتعاون فى حالة الطفل عبد الرحمن، مشيدة بتبنى "اليوم السابع لقصة الطفل عبد الرحمن "الراقص مع الكلاب" وشقيقه فى الحصول على منزل وفرصة تعليم جيدة.
عدد الردود 0
بواسطة:
amr zaky
شكرا لليوم السابع
اشكر اليوم السابع على هذا الامر المحترم وارجو ان تستمر فى هذا الامر وغيره كما اوضحت قبلا من عدم كثير من اعضاء مجلس الشعب بعدم متابعه او الاهتمام بمناطقهم اشكر القائمين على تلك الامور
عدد الردود 0
بواسطة:
عادي
ثمن انهيار الاسرة
موضوع عادي جدا وفيه منه ألوف وبيرقصوا مع الكلاب والقطط ويناموا معاهم ع الرصييف كمان واشياء اخري
عدد الردود 0
بواسطة:
M.S
الراقص مع الكلاب
الاحترام للطفل عبد الرحمن ونظرة اسف وازدراء للاب الذى فضل شهواته والسمع والطاعة العمياء لزوجته مفضلا اياها عن اولاده والتي اظن انه جاء بها من أسوء مكان لتسكن في منزل محترم وبدلا من ان تحتوى أولاده وتعوضهم عن فقدان الام تظهر علي حقيقتها وعلي البيئة القذرة التي جاءت منها . ( وسوف يسئلون )
عدد الردود 0
بواسطة:
زائر
سيبك من الكلام ده كله
هو مفيش موقف ضد والد الطفل ده ؟، مفيش محاكمة أو حتى تحقيق ؟ مفيش حد يعاقب الأب على الموضوع ده؟ ، وبعد كده يكون التحقيق مع الأخوال والأعمام وصدور احكام ضدهم ؟ هو الطفل اللي اسرته موجودة مفيش اي نص قانوني يجرم كل من كان في حكم الوصي عليه وقصر في اداء واجبه تجاه الطفل طالما ان الأب لا يقوم بواجبه تجاه ابنائه فهو في حكم الميت بالنسبة للطفل وعلى الوصي ان يقوم بعمله ؟ ، كلنا هنتأثر ومنا من يبكي ولكن بعد قليل سننسى الموضوع ويعود كل شيئ لما كان عليه ، فهذه ليست اول مرة نرى فيها اطفالاً في الشارع ونهتز لها إلا أن المحصلة هو ما نحن فيه الآن أي انه لم يحدث جديد .