هالة المسكى تكتب : بعترفلك

الأربعاء، 08 فبراير 2017 08:00 ص

حضن بين حبيبين - صورة أرشيفية

بعترفلك ..

إن حبك ده لقلبى مراية

وان عشقك ده بداية ونهاية

وان غيرتك لو حتى ثانية

بتاخدنى وياها لدنيا تانية

بعترفلك ..

انى وسط الناس بكون

شايفة صورتك جوه العيون

سامعة صوتك ف كل همسة

حاسة دقة قلبى لامسة

إحساسك وفرحانة بجنون

بعترفلك ..

ان حضنك ده أمانى

بلقى فيه راحة زمانى

شايل دفاه جوة قلبك

وقلبى بدقاته يحبك

يا كل أحلامى اللى فاتت

وكل أيامى اللى عدت

بعترفلك انى بحبك