أعلن مرتضى منصور رئيس نادى الزمالك، عن ترحيبه برحيل أى لاعب قائلا: "أى حد الشيطان بيلعب فى دماغه عايز يمشى يتفضل وميوجعش دماغنا ومش هنقف على لاعب واللى عنده عرض يجيبه وهنوافق عليه وهنضم عمرو مرعى وأحمد جمعة فى الصيف".
أضاف رئيس الزمالك فى تصريحات تليفزيونية مع الإعلامى خالد الغندور، أنه سيوقع عقوبات شديدة على لاعبى الفريق بعد الخسارة فى مباراة الإنتاج الحربى بهدفين مقابل هدف فى الجولة الثامنة عشر بالدورى.
كما أكد رئيس النادى الأبيض أنه تم خصم 50 ألف جنيه من محمود جنش ومحمود حمدى الونش بسبب الأخطاء الفردية أمام الإنتاج رافضا الاستهتار فى المباريات.
كما اختتم حديثه قائلا: "أحمد دويدار يروح الأهلى ميروحش ملناش دعوة مش على ذمتنا وهو قال لو الزمالك عرض عليا مليار مش هلعب فيه قولتله ولا عندنا تساوى مليم".
عدد الردود 0
بواسطة:
حسن حميدو
لم لاعيبة مصر كلها كل سنة
يامرتضي يااهبل لم فريق كل سنة من اللاعبين والله لواخدت كمان لاعيبة الاهلي برضه حتفشل
عدد الردود 0
بواسطة:
صافكو مصر
مرتضى رجل دوغرى ... واللاعيبه مستهتره
بصراحه ان مايفعله المستشار مرتضى منصور , كثير على الزمالك , ولكن الجهاز واللاعيبه مستهتره - - كيف تملكون كل هذه النجوم ولايستطيع الجهاز الفنى ان يلعب بطريقة حكيمة - مع تأمين قوى لخط الدفاع والوسط - أخطاء ساذجه وباستهتار تكلف النادى الملايين وتهدر المال العام - لابد من مكافأة متميزه لرجل المباراة كل ماتش - كما يمكن للادارة توقيع الجزاءات على كل من يلعب باستهتار وبرعونه تؤدى لخسارة الفريق - المباراة الاخيرة للزمالك مع الانتاج الحربى : أخطاء ساذجه من كل من الونش وجنش بالهدف الاول - اما الهدف التانى خطأ مزدوج من كل من جنش وابراهيم صلاح - حيث هناك رعونه فى التخلص من الكرة داخل منطقة الجزاء - ابراهيم صلاح لم يمد رجله لابعاد الكرة تسبب فى خطأ ساذج على حدود منطقة الجزاء - عامة - برافو مرتضى بيه - مع حظ اوفر بالمبارايات القادمة صافكو مصر محلل مالى واقتصادى سابق - محلل رياضى حاليا بسبب مرتضى بيك
عدد الردود 0
بواسطة:
ججدو
ااااااااااه. ياخوفي. ياملواني
بس كل اللي انا خايف منه انه ينجع في التعاقد مع محمود طاهر ويحرم الاهلي منه وتبقي مصيبة علي الاهلي
عدد الردود 0
بواسطة:
مصطفى عبدالرحمن
مرتضى بيك منصور رجل القيم والمبادئ
نعم مرتضى بية عنده حق لازم يكون فيه عقاب للاعب المقصر .. مرتضى جاب فى كل مركز لاعب محترم جيد ليه الأستهتار بالخصم الأنتاج عمرة مايحلم يهزم الزماللك ولكن اللعيبة هى الى هزمت نفسها ... برافوا مرتضى توقيع الجزاء على المخطى الحمد لله عندنا رجل فاهم يعنى أيه رئيس نادى أما محمد حلمى لوعايز يمش بالسلامه.. كل الجيل اللى معملش حاجة للزمالك يمشى ونجيب مدرب يقدر قيمة الزمالك وأنه نادى بطولات
عدد الردود 0
بواسطة:
صابرالسعيد اهلاوى
بجد كتر خيرك
مع انى اهلاوى لكن مرتضى عمل اللى ماعملوش غيرة من بطولات وشراء لاعبين ودفع الملايين وتوفير كل سبل الراحة والمعيشه لهم اكتر من كدة هيعمل ايه هو عيبه انه بيطلع ويكلم على الفضائيات كتير بس
عدد الردود 0
بواسطة:
محمد هلال الشربيني
تأكيده ميت غمر
لازم يكون فيه شده لأن العمليه كدا في استهتار من اللاعبين ونادي الزمالك نادي بطولات أي مباراه يخسرها تؤثر عليه