توعد حسام البدري المدير الفنى للأهلى لاعبي فريقه الكبار بالتجميد على الدكة خلال المرحلة المقبلة ، حال عدم استعادتهم لمستواهم المعهود ، وذلك بعد خسارة بطولة كأس السوبر المصرى أمام الزمالك ، فى المواجهة التى خسرها الفريق الأحمر بركلات الرجيح ، والتى أقيمت على ملعب محمد بن زايد بإمارة أبو ظبي بدولة الإمارات مساء الجمعة الماضى.
وأكد البدري للاعبيه أن المرحلة المقبلة ستشهد تغييرات جذرية فى التشكيل الأساسى حال استمرار تراجع مستوى بعض النجوم، خاصة وأن الفريق أبرم ثلاث صفقات قوية فى الميركاتو الشتوى الماضى بعد التعاقد مع عمرو بركات والإيفواري سليمانى كوليبالى وأحمد حمودى مشدداً أن التشكيلة الأساسية ليست حكراً على أحد طالما هناك تقصير فى أداء الواجبات من قبل بعض اللاعبين.
ووعد البدري بممارسة سياسة التدوير بداية من مواجهة الإسماعيلى المقبلة فى الدوري العام من أجل إراحة اللاعبين المرهقين من ناحية ولمنح الصفقات الجديدة الفرصة من ناحية أخرى.
عدد الردود 0
بواسطة:
ahmed
سوء فهم
لازم الناس تبقي فاهمة كويس ان الكلام اللي بيقوله البدري موجه للعيبة المحترمة اللي ملهاش ضهر ,,, انما المعلمين الكبار محدش يقدر يقربلهم أمثال حسام بيه غالي صاحب الكورة واكرامي وعبد الله التعيس ومؤمن ووليد. البدري عارف كويس أوي انه لو فتح بقه مع الخماسي ده هيحصل وائل جمعه وفتحي مبروك.
عدد الردود 0
بواسطة:
موهوب
تعليق 1
عزيزى صاحب التعليق 1 ايه ذنب اللاعبين ال انتى كاتب اسمائهم فى خسارة السوبر التقصير من كابتن البدرى المغرور فى طريقة تعامله مع المباراه من تشكيل واحتياطى وتغيرات كلها غلط ايه ال مش عجبك فى سعيد واكرامى ومؤمن وسليمان وماتحكمش عليهم فى ضربات الترجيح المباراه راحت بسبب المدرب وهو من امتى غالى بيشوط ضربات ترجيح
عدد الردود 0
بواسطة:
اهلاويه
انت بتخرب الدنيا
مش كفايه تسببت فى اصابه فتحى والسعيد وحجازي بإصرارك الغبى على لعبهم بالسوبر وهم هلكانين وعندك مليون بديل لهم ومصر متلعبهمش. زى متعب وغيره. وكمان مش بتلاعب الشناوى إللى هيصدى من الدكه. والظاهر انك جبت اخرك مع الاهلى يا حسام وراجع نفسك بسرعه انت بتخرب الدنيا
عدد الردود 0
بواسطة:
محمدسلامة
لازم تصفيات
1-شريف إكرامي33عام 2-عمادمتعب33عام 3-وليدسليمان33عام 4-حسام غالي35عام 5-أحمدفتحي33عام 6-محمدنجيب 34عام
عدد الردود 0
بواسطة:
سيد
نصيحة للعبقري جسام !!
ياريت لا تظلم متعب وعمرو جمال زي ماظلمة احمد بلال. وواضح انك عندك عقدة من المهاجمين.
عدد الردود 0
بواسطة:
ahmed
إلي صاحب التعليق رقم 2
أولا تحياتي لحضرتك , ثانياً الأسماء اللي أنا كاتبها دي تحديداً لا تصلح , بقالنا 3 سنين بنلعب بيهم والتجربة اثبتت فشلها خسارة 3 نهائيات من الزمالك وكذلك خروج متتاي من افريقيا وما حدث في السوبر ما هو إلا تكرار لنفس الفيلم وبطولة الدوري الاخيرة كانت الاستثناء ,,, وزي ما اينشتين بيقول "من الغباء تكرار نفس التجرية وانتظار نتيجة مختلفة". ثالثاً ادارياً كل حاجة اتغيرت في النادي باستثناء هذا الخماسي الفاشل ,,, من رئيس نادي لمدرب لمدير كرة ومع ذلك محدش شايف الخلل الحقيقي , لما تعرف ان حسام بيه غالي صديق شخصي لرئيس النادي ويستشيره في أمور فريق الكرة يبقي تفهم اننا وصلنا لمرحلة من التدني لم يشهدها النادي الاهلي من قبل , ياريت حضرتك تسمع من وائل جمعه وكابتن مبروك أسباب الاستغناء عنهم أو لما تعرف ان جوزيه كان راجع واللي لغي الفكرة اعتراض صاحب الكرة حسام غالي واكرامي افندي. عموماً الحمد لله كلها سنة ويرحل الفاشل محمود الغير طاهر وياخد في ايده السرطان حسام غالي وبقية شلة المعلمين ويعود الأهلي كما كان إن شاء الله
عدد الردود 0
بواسطة:
احمد الاهلاوى
مم
حسام البدرى لكى تكون ناجح يجب ان تكون عادل..انا مش شايف ايه فى اكرامى افضل من الشناوى ومش شايف ايه فى وليد و نيدفيد افضل من ميدو جابر و مش شايف ايه فى غالى افضل من السولية او توفيق و الطامة الكبرى حسين السيد ايه اللى فيه افضل من معلول و صبرى .... العدل ثم العدل ثم العدل.
عدد الردود 0
بواسطة:
صلاح منصور...عضو الجمعيه العموميه بالاهلى
اين االتخطيط ياحسام يابدرى
حتى الان لا يدرك البدرى مدى الخطأ الذى وقع فيه بنزول من كانوا فى الجابون للعب مع الزمالك والذى انتهى الى انه يهدد من اخفقوا نتيجة الضغط العصبى والاجهادالبدنى الشديد الذى تعرضوا له وكانت نتيجة ذلك الخروج قبل ضربات الجزاء ولكن كان من الممكن الابقاءعليهم حتى يحين الشوط الثانى ثم يأتى بهم للعب بشكل افضل وايضا الاشتراك فى ضربات الجزاء الترجيحيه والذى نعلم جميعا انهم على قدرة لاحراز تلك الضربات بشكل افضل ..مش كده ولا ايه ...
عدد الردود 0
بواسطة:
عبد الغنى سلام
الخسارة عنوانها البدرى فى هذه المبارة
عنك 30لاعب فى القائمة ومتعطشين يلعبوا ومصمم على نفس اللعيبه من ايام مارتن يول وجبت صفقات جديدة وانفقتم الملايين وبتقول حيجوا عليهم الدور امتى سيادتك والله لولعبت ب11لاعب غير المرهقين دول كان الاهلى كسب الزمالك بعدد كبير من الاهداف الزمالك لايلعب كورة لاعنده مدرب ولاعيبه،ولامجلس اداره ليس لهم انتماء لنادى بحجم الزمالك وفرق كبير بين الاهلى والزمالك فى ،كل شئء وبقول لادارة الاهلى ارحموا ناديكم لقد مرمتم بناديكم الارض هذا النادى الذى يعد واحد من اعظم الانديه العالمية
عدد الردود 0
بواسطة:
ميس رانيا
م
اللي نجح جوزيه ان كان فيه رئيس نادي قوي بيحمي المدرب من اللاعبين مش بيخاف من اللاعبين بصراحة انا معجب بمرتضي بيه بس مشكلته لسه ماوقعش حظه في مدرب سوبر علما بأن البدري مدرب عظيم ولو وفر له النادي ما يقويه علي اللاعبين هايصنع ملحمة