عمرو مبروك يكتب: حزن وتعب ودموع

الجمعة، 10 فبراير 2017 06:00 م

صورة أرشيفية

حزن وتعب ودموع وآه

وطريقنا وسط الزحمة تاه

إيه الحكاية يا حياه

على فين نهاية الطريق

داحنا ابتدينا بالأمل

عشنا الحياة حلم وعمل

لقيناها شىء مش محتمل

تجرح وتظلم فى البرىء

قلنا نعيد كل الحساب

لو فى غلط لينا العتاب

لقينا حسبتنا صواب

والظلم فى الدنيا جرىء

وإيه بإيدنا يا زمان

غابة وضاع فيها الأمان

ومش حنندم ع اللى كان

الله معانا يا صديق