فيسبوك
واتساب
الناى فى هدوء الليل يشجي
ويحرك مشاعر ويهدى نفوس
مراكبى عاشق لبلده سمع الصوت من بعيد
وهو فى مركب شراعى بتتهادى ماتقولشى عروس
وكان وسط صحبة حلوة رامية همومها البحر
والهدف فسحة من غير سهام أو قوس
رفع المراكبى صوته بالموال
ابتدا بياليل وكمل بكلام مدروس
قال آه يازمن لو تتوقف لحظات
وتسيبنا نعيش اللحظة من غير آهات وعبوس
دا الليل والنيل والنسيم والشراع
والنخيل صورته بتتمايل مع موج خفيف محسوس
ممكن يكونوا دوا وكمان تعلمنا دروس
